एकनाथ शिंदे यांनी केलेल्या शिवसेनेतील उठावानंतर तत्कालील महाविकास आघाडी सरकार कोसळलं, उद्धव ठाकरे यांना मुख्यमंत्रिपदाचा राजीनामा द्यावा लागला, तेव्हापासून शिवसेना ठाकरे गटाकडून महायुती सरकारचा उल्लेख खोके सरकार असा करण्यात येतो. अनेकदा भर सभेत आणि पत्रकार परिषदेमध्ये सुद्धा शिवसेना ठाकरे गटाकडून शिवसेना शिंदे गटावर आणि उपमुख्यमंत्री एकनाथ शिंदे यांच्यावर घणाघाती टिका करण्यात येते. एकनाथ शिंदे यांनी केलेल्या उठावानंतर त्यांना शिवसेनेतील अनेक आमदारांनी पाठिंबा दिला होता, या आमदारांनी उद्धव ठाकरे यांची साथ सोडली, जे आमदार एकनाथ शिंदे यांच्यासोबत गेले त्यांनी पन्नास -पन्नास खोके घेतल्याचा आरोप देखील शिवसेना ठाकरे गटाकडून अनेकदा करण्यात आला आहे.
तसेच काही दिवसांपूर्वी पुन्हा एकदा शिवसेना ठाकरे गटाचे प्रमुख उद्धव ठाकरे यांना मोठा झटका बसला. शिवसेना ठाकरे गटातील 9 पैकी 6 खासदारांनी उद्धव ठाकरे यांची साथ सोडली, या सर्व खासदारांनी शिवसेना शिंदे गटात प्रवेश केला, त्यांच्यावर देखील शिवसेना ठाकरे गटाच्या वतीने असेच आरोप झाले, जोरदार टिका झाली. खोका हा शब्द सध्या राजकारणात चांगलाच चर्चेत आहे.
दरम्यान याच शब्दावरून आता आदित्य ठाकरे यांनी मिश्लिक टिप्पणी केल्याचं पहायला मिळत आहे. एका पत्रकार परिषदेमधील हा प्रसंग आहे. आदित्य ठाकरे यांना बोलण्यासाठी सर्व प्रसारमाध्यमांचे माईक एका खोक्यावर ठेवण्यात आले होते. हे दृष्ट पाहून आदित्य ठाकरे यांनी हा खोका इकडे कोणी ठेवलारे? अशी मिश्लिक टिप्पणी केली, त्यावर लगेच पत्रकारांनी देखील हजरजबाबी उत्तर दिलं तो खोका खाली आहे, असं पत्रकारराने म्हटलं. पत्रकाराचं उत्तर ऐकून उपस्थित सर्वच हसायला लागले.
शिवसेना ठाकरे गटाच्या वतीने सातत्याने शिवसेना शिंदे गटावर टीका करण्यात येते, राज्यात जेव्हा एकनाथ शिंदे यांच्या नेतृत्वातील सरकार होतं, तेव्हा शिवसेना ठाकरे गटाच्या वतीने सातत्याने हे खोके सरकार असल्याची टीका सुरू होती, त्यावर आता पुन्हा आदित्य ठाकरे यांनी मिश्कील टप्पणी केल्याचं पहायला मिळत आहे.
Leave a Reply