नुकताच मोठी धक्कादायक घटना घडली. सोन्याच्या खाणीत मोठी दरड कोसळली. ज्यामध्ये आतापर्यंत तब्बल 100 हून अधिक जणांचा मृत्यू झाला. अजूनही मोठ्या प्रमाणात लोक आतमध्ये अडकली आहेत. त्यांना बाहेर काढण्याचे काम सुरू आहे. मध्य आफ्रिकन प्रजासत्ताकाच्या (CAR) पश्चिम भागातील एका छोट्या गावात ही घटना घडली. हाताने खणल्या जाणाऱ्या सोन्याच्या खाणीत दरड कोसळल्याने 100 हून अधिक लोकांचा मृत्यू झाला. बचावकार्याकडून अजूनही लोकांना बाहेर काढण्याचे काम सुरू आहे. ही घटना कॅमेरूनच्या सीमेजवळ बाबुआ शहरापासून सुमारे 50 किलो मीटर अंतरावर घडली. कामगार खाणीत असताना मोठी दरड कोसळली. कामगारांना बाहेर येण्याची संधीही मिळाली नाही. अजूनही बचावकार्य सुरू असल्याने मृतांची संख्या वाढण्याची शक्यता आहे.
यादरम्यान काहीजण जखमी झाले असून त्यांच्यावर रूग्णालयात उपचार सुरू आहेत. ज्या खाणीत काम करून हे लोक पोट भरत होते, त्यांचा उदरनिर्वाह या खाणीतून होत होता, तीच खाण आता मृत्यूचे कारण बनली. ढिगाऱ्याखाली अजूनही लोक अडकली आहेत. त्यांना बाहेर काढले जातंय. मोठा चिखल आणि ढिगारा असल्याने बचावकार्यात समस्या निर्माण होत आहे.
अजूनही काहीजण खाणीत अडकली आहेत. मात्र, मोठा चिखल असल्याने बचाव करणाऱ्यांना खाणीत आत जाणे शक्य होत नाही. खाणीत अडकलेले लोक जिवंत असतील याबाबत शंका उपस्थित केली जात आहे. स्थानिक लोकही मलबा हटवण्यासाठी प्रयत्न करत आहेत. ढिगारा बाजूला सारून लोकांचा शोध घेतला जात आहे. लोकांना वाचवण्यासाठी बचाव पथके आणि स्थानिक नागरिक हाताला चिखल बाजूला करत आहेत.
मिळालेल्या अधिकची माहिती अशी की, ही एक लहान सोन्याची खाण आहे. तिथे सोन्याचे उत्खनन केले जाते. स्थानिक लोकच खोदकाम करून सोने काढतात. येथील लोकांचे उत्पन्नाचे साधन सोन्याच्या खाणी आहे. लोक याच खाणीत काम करून पोट भरतात. काही ठिकाणी अवजारांनी खोदकाम केले जाते, ज्यामुळे धोका निर्माण होतो. ही घटना तशीच असल्याचे सांगितले जातंय. अवजारांनी खोदकाम सुरू असतानाच थेट दरड कोसळली.
Leave a Reply