जून महिन्याच्या आगमनासोबतच आता मान्सूनची देखील एन्ट्री झाली आहे. देशासह राज्यात देखील मान्सूनचं आगमन झालं आहे. मान्सून तळकोकणात पोहोचला आहे. दरम्यान पावसाळ्यात जसं वादळ, वीजा, पूर यांचा धोका असतो तसाच सर्पदंशाचा देखील धोका असतो. पावसाळ्यात सर्पदंशाच्या घटनांमध्ये मोठ्या प्रमाणात वाढ होते. त्याचं महत्त्वाचं कारण म्हणजे या काळात बिळात पाणी शिरल्यामुळे साप बाहेर पडतात, अशावेळी साप निवाऱ्यासाठी कोरड्या आणि अंधाऱ्या जागेचा शोध घेत असतात. अशावेळी त्यांना जर तुमच्या घरात अशी जागा सापडली तर ते तिथे लपून बसतात आणि जर समजा तुमचं दुर्लक्ष झालं तर सर्पदंशाचा धोका वाढतो. तसेच पावसाळ्याच्या काळात सापांची बिळं देखील मातीमुळे बुजून जातात, त्यामुळे देखील साप बाहेर फिरताना दिसतात. त्यामुळे या काळात विशेष काळजी घेण्याची गरज असते.
दरम्यान अनेकांना बाग कामाची आवड असते, पावसाळ्याच्या काळात झाडं लावण्यासाठी अनुकूल वातावरण असल्यानं अनेकजण आपल्या बागेत विविध वृक्ष लावत असतात. मात्र या ठिकाणी एक गोष्ट लक्षात घेणं गरजेचं आहे, काही झाडं हे आपल्या विशिष्ट गुणधर्मांमुळे सापांना आपल्याकडे आकर्षित करतात, साप पावसाळ्यात अशा झाडांचा आसारा घेतात. तर काही झाडं ही अशी असतात की त्यांच्या विशिष्ट गुणधर्मामुळे साप अशा झाडांच्या वाऱ्याला देखील उभा राहत नाही, अशी झाडं जिथे असतात, त्या परिसरात दूर-दूर पर्यंत साप दिसत नाही. अनेकदा दुर्गम जंगलामध्ये राहणारे आदिवासी लोक देखील सापांपासून बचावासाठी अशाच काही झाडांचा उपयोग करतात.
आज आपण ज्या झाडाबद्दल बोलत आहोत ते झाडं आहे, सर्पगंधाचं या झाडाला विशिष्ट वास असतो, त्यामुळे ज्या घरामध्ये हे झाडं असतं, त्या परिसरात देखील कधीही साप येत नाही. त्यामुळे सापांपासून तुमचा बचाव होऊ शकतो. सर्पगंधासोबतच तुम्ही तीव्र वास असणाऱ्या वनस्पती जसं की कांदा किंवा लसूण यांचं झाडं देखील लावू शकतात. या वनस्पतींना देखील तीव्र वास असतो, या वासामुळे साप कधीही घरात घुसत नाही.
Leave a Reply