देशात साखरेच्या किंमतीत प्रचंड वाढ झाली आहे. सणासुदीआधीच साखरेच्या किंमतीत प्रचंड वाढ झाली आहे. अवकाळी पावसामुळे ऊसाच्या पिकाचं नुकसान झाल्याने दरवाढ झाल्याचे सांगण्यात येत आहे.
साखर महागल्याने बाजारात चहाच्या किंमती वाढण्याची शक्यता आहे. आता सर्वसामान्यांना पर्याय म्हणून साखरेऐवजी गूळ, मध आणि खजूराचा पर्याय योग्य ठरू शकतो. या तिन्ही पर्यायाविषयी जाणून घ्या
गूळ : साखरेपेक्षा गुळावर कमी प्रक्रिया केली जाते. अनेक जण साखेरला पर्याय म्हणून गुळाचा वापर करतात. गुळामध्ये लोह आणि काही आवश्यक खनिजे आढळतात. परंतु गूळ पूर्णपणे कॅलरी मुक्त नाही. गूळाच्या चहाने रक्तातील साखरेची पातळी वेगाने वाढण्याची शक्यता आहे. मधुमेही रुग्णांनी गुळाचा अती वापर टाळणे फायदेशीर ठरेल.
मध : मधामध्ये नैसर्गिक गुणधर्म असतो. मधाची चव ही साखरेपेक्षा गोड असते. मधाचे सेवन कमी प्रमाणात केल्यावरच चव टिकून राहते. परंतु मधाचा अतिवापर आरोग्यासाठी योग्य नाही.
खजूर : खजुरामध्ये फक्त गोडवा नसतो. तर फायबर, पोटॅशियम आणि इतर खनिजे असतात. खजुरामध्ये साखरेपेक्षा अधिक पौष्टिक पर्याय ठरतो. खजुराचा वापर इतर पदार्थातही केला जातो. यात कॅलरीजही जास्त प्रमाणात असतात.
Leave a Reply