Azad Engineering Company चा शेअर हा सर्वाकालीन उच्चांकावर पोहचला आहे. बीएसई इंट्राडे दरम्यान हा शेअर 4 टक्क्यांहून अधिकने वधारला. हा शेअर आता 2202.75 रुपयांच्या ऑलटाईम हाय लेवलवर आहे. कंपनीच्या शेअरमध्ये सलग तिसर्या दिवशी तेजीचे सत्र दिसले.
कंपनीचे शेअर या कालावधीत 18 टक्क्यांनी उसळले आहेत. क्रिकेटचा देव सचिन तेंडुलकरने आझाद इंजिनिअरिंगवर मोठा डाव लावला आहे. गेल्या एका महिन्यात हा शेअर 53 टक्क्यांनी उसळला आहे. गुंतवणूकदारांना या कंपनीने मालामाल केले आहे.
कंपनीने शुक्रवारी मोठी घोषणा केली. त्यानुसार हैदराबादमध्ये कंपनीने मोठे उत्पादन प्रकल्प सुरू करण्यासाठी पाऊल टाकले आहे. त्याचा कंपनीला मोठा फायदा होण्याची शक्यता आहे. येथे मोठ्या प्रमाणात उत्पादन होईल. तर नुओवो पिग्नोनसोबत कंपनीने करार केला होता. तोही आता 2030 पर्यंत वाढवला आहे.
सचिन तेंडुलकरने आझाद इंजिनिअरिंगमध्ये 5 कोटी रुपयांची गुंतवणूक केली होती. 2023 मध्ये त्याने ही गुंतवणूक केली होती. गुंतवणुकीनंतर सचिनला बोनस शेअरचाही फायदा मिळाला. शेअर स्प्लिटचाही सचिनला फायदा झाला. आज त्याच्या गुंतवणुकीचे मूल्य अधिक आहे.
ही कंपनी शेअर बाजाराक 28 डिसेंबर 2023 रोजी सूचीबद्ध झाली होती. तेव्हा सचिनकडे या कंपनीचे 4,38,210 इतके शेअर होते. त्याच्या गुंतवणुकीचे मूल्य आता 31.55 कोटींच्या घरात असल्याचे म्हटले जात आहे. तर गेल्या काही दिवसातील तेजीमुळे हे मूल्य 72 कोटी रुपयांच्या घरात पोहचले.
डिस्क्लेमर : टीव्ही 9 मराठी कुठल्याही स्टॉक, म्युच्युअल फंड, आयपीओमध्ये गुंतवणूक करण्याचा सल्ला देत नाही. येथे केवळ त्याची माहिती देण्यात आली आहे. गुंतवणुकीपूर्वी तज्ज्ञाचा, आर्थिक सल्लागाराचा सल्ला आवश्य घ्या.
Leave a Reply