आजच्या धकाधकीच्या जीवनात काम कशा प्रकारे पूर्ण करता येईल, याच प्रयत्नात महिला असतात, त्यासाठी अनेक उपकरणं देखील बाजारात उपलब्ध आहेत. त्यामधील सर्वात महत्त्वाचं एक उपकरण म्हणजे वॉशिंग मशीन.. बहुतेक घरांमध्ये मळलेले कपडे धुण्यासाठी वॉशिंग मशीनचा वापर केला जातो. पण काही महिला आजही मशीनचा वापर करत नाहीत. वॉशिंग मशीन वापरल्याने केवळ मेहनतच नाही, तर बराच वेळही वाचतो. मात्र, बऱ्याच लोकांना मशीन स्वच्छ करणं हे एक अवघड काम वाटतं. जास्त दिवस वापर झाल्यानंतर, मशीनच्या आत पाणी आणि डिटर्जंटचे अवशेष जमा होतात.
याव्यतिरिक्त, जर मशीन बाल्कनीमध्ये ठेवली असेल, तर धूळ आणि घाणीमुळे ती लवकर खराब होऊ शकतं. तुमची वॉशिंग मशीन चांगल्या स्थितीत ठेवण्यासाठी आणि तिला गंजण्यापासून वाचवण्यासाठी, तुम्ही काही सोप्या जीवनशैली टिप्सचा अवलंब केला पाहिजे. या गोष्टी तुमच्या दैनंदिन दिनचर्येत समाविष्ट केल्यास, तुम्हाला ते व्यवस्थित करण्यासाठी कोणाला, बोलावण्याची गरज भासणार नाही.
व्हिनेगर आणि बेकिंग सोडा याचा वापर तुम्ही करु शकता. वॉशिंग मशीनमध्ये अडकलेली घाण साफ करण्यासाठी तुम्ही व्हिनेगर आणि बेकिंग सोडा वापरू शकता. यासाठी, प्रथम ड्रममध्ये दोन कप व्हिनेगर टाका आणि मशीन उच्च-तापमानाच्या सायकलवर चालवा. त्यानंतर, अर्धा कप बेकिंग सोडा टाका आणि सायकल पुन्हा चालवा. व्हिनेगर आणि बेकिंग सोडा मशीनमधून घाण, मळ आणि जीवाणू प्रभावीपणे काढून टाकतात.
गरम पाणी देखील महत्त्वाचं ठरेल. मशीन स्वच्छ करण्यासाठी, गरम पाण्यात थोडी क्लिनिंग पावडर टाका आणि मशीन त्याच्या सेल्फ-क्लीनिंग मोडवर चालवा. हायड्रोजन पेरॉक्साइडने देखील मशीन साफ करु शकता. हायड्रोजन पेरॉक्साइड पाण्यात मिसळा, हे द्रावण एका मऊ टॉवेलवर लावा आणि त्याचा वापर करून मशीनच्या गॅस्केट आणि सांध्यांवरील घाण साफ करा. ही पद्धत ग्रीस, शेवाळ आणि सर्वसाधारण घाण काढून टाकण्यास मदत करते.
लिंबाचा रस देखील एक प्रभावी मार्ग आहे. तुमची वॉशिंग मशीन स्वच्छ करण्यासाठी लिंबाचा रस देखील एक प्रभावी उपाय ठरू शकतो. ही युक्ती वापरण्यासाठी, दोन लिंबांचा रस ड्रममध्ये टाका आणि सुती कापडाने ड्रम पुसून घ्या. लिंबामधील आम्लधर्मी गुणधर्म मशीनमध्ये साचलेली घाण स्वच्छ करतात आणि एक ताजेपणाचा सुगंध पसरवतात.
Leave a Reply