शिवसेना पक्षाच्या फुटीसंदर्भात सर्वोच्च न्यायालयात सुरू असलेल्या सुनावणीदरम्यान, ज्येष्ठ वकील कपिल सिब्बल यांनी विधानसभा अध्यक्षांच्या निर्णयावर तीव्र आक्षेप घेतला आहे. अध्यक्षांनी आपल्या अधिकारांची मर्यादा ओलांडली असून, त्यांचे निर्णय कायद्याच्या चौकटीबाहेरचे असल्याचे सिब्बल यांनी म्हटले आहे. विशेषतः शिंदे गटाला राजकीय पक्ष म्हणून मान्यता देण्याच्या अध्यक्षांच्या निर्णयावर सिब्बल यांनी युक्तिवाद केला. सिब्बल यांच्या मते, अध्यक्षांनी दहाव्या अनुसूचीच्या तरतुदींचा भंग केला आहे. तसेच, विधिमंडळ पक्ष आणि राजकीय पक्ष यांच्यातील फरक स्पष्ट न करता अध्यक्षांनी सरमिसळ केली आहे.
आमदारांच्या संख्येपेक्षा पक्षाची घटना अधिक महत्त्वाची असते, याकडे सिब्बल यांनी लक्ष वेधले. पक्षाच्या घटनेमध्ये हस्तक्षेप करण्याचा अधिकार अध्यक्षांना नाही, असा युक्तिवाद त्यांनी केला. मूळ शिवसेना हा उद्धव ठाकरे यांचा राजकीय पक्ष असल्याचे सिब्बल यांनी ठामपणे सांगितले. अपात्रता प्रकरणातील निर्णयाची वाट न पाहता निवडणूक आयोगाने निर्णय घेणे चुकीचे होते, असेही मत सिब्बल यांनी मांडले.
Leave a Reply