जगात अनेक प्रकारचे लोकं आहेत. काही आगळेवेगळे तर काही जगावेगळे आहेत. एक कपल हे जगावेगळ्या प्रकारात मोडतंय. या कपलने कंजुषीचा कळस गाठलाय. कंजुषी करत करत या कपलने तब्बल दोन चार लाख नव्हे तर 12 कोटी रुपये वाचवले आहेत. कंजुषीची हद्द म्हणजे त्यांनी सर्दीमध्ये हिटर सुद्धा लावला नाही. फोनचं चार्जिंगही बाहेरूनच केलं. अशा अनेक गोष्टी करत करत त्यांनी पै पै वाचवला. आज वयाच्या चाळीशीत निवृत्ती घेतल्यानंतर त्यांच्याकडे 12 कोटी रुपये आहेत. जगातील उधळ्या लोकांना आदर्श घालून देणारंच असं हे कपल आहे.
इंग्लंडमधील हे कपल आहे. एलन आणि केटी डोनेगन असं या दोघांचं नाव आहे. हे दोघे इंग्लंडच्या दक्षिणेकडे राहतात. इंग्लंडमध्ये दरवर्षी कडाक्याची थंडी असते. प्रत्येक घरातील प्रत्येक रुममध्ये हिटर लावलेलं असतं. उष्णता मिळवण्यासाठी हिटर लावलं जातं. पण एलन आणि केटी या दोघा महामानवांनी कधीच घरात हिटर लावलं नाही. थंडीत कुडकुडले, पण त्यांनी कधी हिटर लावलं नाही.
गरम पाण्याची बॉटल
इंग्लंड, अमेरिका, युरोप आणि आशियातील अनेक देशात भारतासारखा हिवाळा नसतो. या देशांमध्ये पारा मायनसच्या खाली जातो. त्यामुळे घराला गरम ठेवण्यासाठी फरशी आणि भिंतींना गरम करावं लागतं. त्यामुळे विजेचं बिल अधिक वाढतं. याबाबत एलन म्हणाला, घराला गरम करण्याऐवजी आम्ही अधिक कपडे घालायचो. गरम पाण्याच्या बॉटलचा वापर करायचो. आम्ही हा खेळ बनवला होता. हा त्रास नव्हता. तर तो आमच्या रणनीतीचा भाग होता.
लोक वेडे म्हणायचे…
आमचे पैसे वाचवण्याचे हे फंडे पाहून लोक आम्हाला वेडे समजायचे. पण आम्ही आमच्या गोष्टींवर ठाम होतो. आम्ही आमचं स्वातंत्र्य उपभोगत होतो, असं एलन म्हणाला. स्वातंत्र्य म्हणजे त्यांच्यासाठी निवृत्ती. लवकर निवृत्त होणं. डोनेगन परिवाराने कंजुषी करून सात वर्ष आधीच निवृत्ती घेतली. त्यावेळी एलन 40 वर्षाचा होता तर केटी फक्त 35 वर्षाची होती.
क्वचितच हॉटेलात जेवले
हे दोघे क्वचितच बाहेर जेवायचे. एरव्ही ते घरूनच डबा घेऊन जायचे. केवळ लंचच्या त्या एका सवयीमुळे आम्ही 10 वर्षात 6 लाख रुपये वाचवले आहेत, असं एलनने सांगितलं. आम्ही बाहेर असल्यावर आमचे फोन चार्ज करायचो. फेकण्यात आलेले नेक्टर व्हाऊचर आम्ही शोधायचो. आता हा वेडेपणा आहे की समजूतदारपणा हे तुम्हीच ठरवा. पण असं केल्याने आम्हाला फायदा झाला, असं तो पुढे सांगतो.
चांगल्या नोकरीला
ट्रेनिंग आणि लाइफ कोचिंगचा व्यवसाय सुरू करण्यापूर्वी एलन लँडस्केप गार्डनर म्हणून काम करायचा. तर केटी एका फायनॅन्शियल फर्ममध्ये एक्चुअरी वा रिस्क असेसेर होती. चांगली कमाई करण्याबरोबरच भरपूर बचत करण्याचा त्यांचा हेतू होता. लवकर निवृत्त होण्यासाठी त्यांचा हा प्लान होता. त्यामुळेच त्यांनी सर्व पैसा गुंतवला होता. आम्ही जो काही पैसा गुंतवला ते आयुष्याचं एक पाऊल होतं. आम्हाला तसं जगायचं होतं. जेव्हा आमची बचत 12 कोटी 73 लाख रुपये झाली तेव्हा मी नोकरी सोडली, असं केटी म्हणते.
Leave a Reply