नवी मुंबईहून श्रीनगरला पोहोचलेल्या इंडिगोच्या विमानाचा श्रीनगर विमानतळावनर एक अपघात घडला. शुक्रवारी सकाळी 9 वाजता विमान पार्किंग क्षेत्रात हा अपघात घडला. प्रवासी आणि कॅबिन क्रू सुरक्षित असल्याची माहिती समोर आली आहे.
आज सकाळी 9 वाजता ही अपघाताची घटना घडली. धावपट्टीजवळील व्हिज्युअल डॉकिंग गायडन्स सिस्टिमला विमानानं धडक दिली. या घटनेची माहिती घेण्यात येत आहे. हा अपघात कशामुळे घडला याचं कारण समोर आलेले नाही.
विमान क्रमांक 6E 225, VT-NOG चा अपघात घडला. सर्व प्रवासी आणि विमान कर्मचारी सुरक्षित आहेत. कुणालाही दुखापत झाली नाही. नवी मुंबईहून हे विमान श्रीनगरला पोहोचले होते. त्याचवेळी पार्किंग क्षेत्रात हा अपघात घडला.
या घटनेनंतर श्रीनगर विमानतळावरील इतर सर्व विमान सेवा आणि उड्डाणे सुरळीतपणे सुरू आहेत. त्यांच्या उड्डाणावर आणि इतर प्रक्रियेवर कोणताही परिणाम झालेला नाही. या अपघाताची आता चौकशी करण्यात येत आहे.
विमान बे क्रमांक 6 वर उभे करताना व्हिज्युअल डॉकिंग गाईडन्स सिस्टिमच्या खांबाला हे विमान धडकले. यात विमानाचा पुढील भागाचे किंचित नुकसान झाल्याचे समजते. या घटनेने विमानतळावर काही काळ गडबड उडाली होती.
अपघातात कोणालाही दुखापत झालेली नाही. प्रवाशांना मॅन्युअल पायऱ्यांच्या मदतीने सुखरूप खाली उतरवण्यात आले. विमानतळावरील व्यवहार नेहमीप्रमाणे सुरू आहेत. कर्मचारी सुद्धा सुखरुप असल्याची माहिती समोर आली आहे.
Leave a Reply