मुंबईच्या पॉश इलाख्यात नियम धाब्यावर, बेफाम कारची कोस्टल रोडवर रेस, व्हिडीओ व्हायरल

मुंबईच्या मरीन ड्राईव्ह कोस्टल रोडवर ६-७ गाड्या भरधाव वेगाने जात असल्याचा एक व्हिडिओ व्हायरल होत आहे. व्हायरल झालेल्या या व्हिडिओच्या आधारे पोलिसांनी अज्ञात चालकांविरुद्ध गुन्हा दाखल केला आहे. ही घटना ३ सप्टेंबर २०२६ रोजी रात्री सवा अकराच्या सुमारास मरीन ड्राइव्हवरील कोस्टल रोड साऊथ बाऊंडजवळ असल्याचे पोलिसांनी माहिती दिली आहे.

पिवळ्या, लाल आणि इतर रंगांच्या कारचे अंदाजे सहा ते सात अज्ञात चालक एका गटात भरधाव वेगाने गाडी चालवत होते असे सूत्रांनी सांगितले. या चालकांनी कार चालवताना वाहतुकीच्या नियमांचे उल्लंघन केलेले असल्यामुळे त्यांनी स्वतः च्या जीवासह आणि इतरांच्या जीवाला धोका निर्माण केल्याचे पोलिसांनी म्हटले आहे.

पोलीस ठाण्यात गुन्हा दाखल

या प्रकरणी ४ सप्टेंबर २०२६ रोजी रात्री १०:५५ वाजता मरीन ड्राईव्ह पोलीस ठाण्यात गुन्हा दाखल करण्यात आला आहे. भारतीय न्याय संहितेच्या ( BNS ) कलम २८१ आणि १२५ तसेच मोटार वाहन कायद्याच्या कलम १८४ अंतर्गत कारवाई करण्यात आली आहे. या प्रकरणात सध्या, कोणालाही अटक करण्यात आलेली नाही. या प्रकरणात अति वेगात वाहन चालवणाऱ्या चालकांची आणि त्यांच्या वाहनांची ओळख पटली नसल्याचे पोलिसांनी सांगितले. संबंधित वाहने जप्त केली जातील आणि पुढील कायदेशीर कारवाई केली जाईल असे

Source link