90 च्या दशकात आपल्या सौंदर्याने आणि दमदार अभिनयाने प्रेक्षकांच्या मनावर राज्य करणारी साऊथ अभिनेत्री मोहिनी पुन्हा एकदा चर्चेत आली आहे. तमिळ, तेलुगू, मल्याळम, कन्नडसह हिंदी चित्रपटांमध्येही काम करत मोहिनीने आपल्या करिअरमध्ये अनेक सुपरहिट चित्रपट दिले.
त्या काळात तिची लोकप्रियता प्रचंड होती आणि ती ग्लॅमर तसेच अभिनयासाठी ओळखली जात होती. मात्र, नुकत्याच समोर आलेल्या एका मुलाखतीत मोहिनीने चित्रपटसृष्टीतील आपला एक अत्यंत त्रासदायक अनुभव उघड केला आहे. या खुलाशामुळे पुन्हा एकदा मनोरंजन विश्वातील पडद्यामागील वास्तव समोर आले आहे.
‘त्या’ सीनसाठी जबरदस्ती
मोहिनीने कण्मणि या चित्रपटाच्या शूटिंगदरम्यानचा अनुभव सांगितला. या चित्रपटाचे दिग्दर्शक आरके सेल्वामणी यांनी एका सीनसाठी तिला स्विमसूट परिधान करण्यास सांगितले होते. मात्र, त्या सीनबद्दल ती अत्यंत अस्वस्थ होती.
मोहिनीने सांगितले, त्या सीनसाठी मला हाफ ड्रेसमध्ये शूट करायला सांगितलं गेलं. मी खूप रडले आणि तो सीन करण्यास स्पष्ट नकार दिला होता. त्या काळात महिला प्रशिक्षकही नव्हत्या. त्यामुळे अशा प्रकारचा सीन करणं मला अजिबात सोयीचं वाटत नव्हतं.
दबावाखाली घेतलेला निर्णय
तिने पुढे सांगितले की, दिग्दर्शकांकडून सतत दबाव आणला जात होता. मला असं वाटत होतं की मला जबरदस्तीने तो सीन करायला लावला जात आहे. शेवटी मी दीड दिवस शूटिंग केलं आणि त्यांनी सांगितलेला सीन पूर्ण केला असे ती म्हणाली.
मात्र, त्यानंतर आणखी एका ठिकाणी ऊटी असाच सीन शूट करण्याची मागणी झाली तेव्हा मोहिनीने ठामपणे नकार दिला. मी त्यांना स्पष्ट सांगितलं की हे तुमचं प्रॉब्लेम आहे. मी आधीच दबावाखाली तो सीन केला होता असेही तिने नमूद केले.
वादांमुळे चर्चेत राहिलेला चित्रपट
1994 साली प्रदर्शित झालेला ‘कन्मानी’ हा चित्रपट त्यावेळी चांगलाच गाजला होता. या चित्रपटात मोहिनीची भूमिका आव्हानात्मक होती. मात्र तिच्या अभिनयापेक्षा चित्रपटातील वादग्रस्त सीनमुळेच तो अधिक चर्चेत राहिला.
त्या काळात चित्रपटसृष्टीत आजच्या तुलनेत सुरक्षितता आणि स्पष्ट नियमांची कमतरता होती. अनेक अभिनेत्रीना त्यांच्या इच्छेविरुद्ध काही प्रसंग करावे लागत असल्याच्या घटना अधूनमधून समोर येत असतात. मोहिनीच्या या खुलाशामुळे त्या काळातील वास्तव पुन्हा एकदा समोर आले आहे.
Leave a Reply