हिरवी मिरचीमुळे पदार्थाला एक वेगळी चव येते… अनेक पदार्थांमध्ये मिरचीचा वापर केला जातो. पण मिरच्या साठवायच्या कशा? असा मोठा प्रश्न उपस्थित होतो. तर मिरच्या साठवण्यासाठी काही स्टेप्स आहेत. ज्यामुळे तुमच्या फ्रिजमध्ये मिरच्या 2 – 3 आठवडे ताज्या राहू शकतात. जास्त प्रमाणात मिरच्या खरेदी करून फ्रिजमध्ये ठेवल्या तरीही, काही दिवसांतच मिरची मऊ पडू लागते, काळी पडते किंवा सडू लागते. एक मिरची खराब झाल्यानंतर अन्य मिरच्या देखील खराब होतात. यामुळे बऱ्याच लोकांना वारंवार मिरच्या खरेदी कराव्या लागतात. पण काही सोप्या पद्धती वापरल्यास, तुम्ही हिरव्या मिरच्या जास्त काळ ताज्या ठेवू शकता.
सर्वप्रथम, बाजारातून आणल्यानंतर मिरच्या लगेच धुवू नका. त्यांच्यावर राहिलेल्या ओलाव्यामुळे त्या लवकर खराब होतात. त्या फक्त वापरायच्या वेळीच धुणे चांगले ठरेल. मिरच्या पूर्णपणे कोरड्या झाल्यावरच साठवून ठेवाव्यात. मिरच्या देठ काढून साठवल्यास त्या जास्त काळ ताज्या राहतात. देठ ओलावा शोषून घेण्याची अधिक शक्यता असते. त्यामुळे, साठवण्यापूर्वी देठ हळुवारपणे काढून टाकणे उत्तम.
नंतर मिरच्या टिश्यू पेपरमध्ये किंवा किचन टॉवेलमध्ये गुंडाळा आणि फ्रिजमधील भाजीच्या कप्प्यात हवाबंद डब्यात किंवा झिप-लॉक बॅगमध्ये ठेवा. टिश्यू पेपर अतिरिक्त ओलावा शोषून घेतो, ज्यामुळे मिरच्या लवकर खराब होण्यापासून वाचतात. टिश्यू पेपर ओला झाल्यास तो बदलला पाहिजे. मिरच्या हवाबंद प्लास्टिकच्या आवरणात ठेवणे टाळा. यामुळे आतमध्ये पाण्याचे थेंब जमा होऊ शकतात आणि त्या सडण्याची शक्यता वाढते. शक्य असल्यास, लहान हवेशीर छिद्रे असलेले भांडे किंवा थोडी उघडी असलेली साठवणुकीची पेटी वापरा.
जर मिरच्या अशा प्रकारे योग्य रीतीने साठवल्या तर, त्या सुमारे दोन ते तीन आठवडे ताज्या राहण्याची शक्यता असते. यामुळे अन्नाची नासाडी देखील कमी होईल आणि प्रत्येक वेळी ताज्या मिरच्या विकत घेण्याची गरज भासणार नाही. साठवणुकीच्या योग्य पद्धतींचे पालन केल्यास, कच्च्या मिरच्यांची चव, रंग आणि ताजेपणा अधिक काळ टिकवून ठेवता येतो.
Leave a Reply