कोल्हापूर येथे एका सार्वजनिक कार्यक्रमात खासदार धनंजय महाडिक यांच्याकडून एक अनपेक्षित राजकीय वक्तव्य झाले. त्यांनी कृष्णराज महाडिकांचा उल्लेख भाजपऐवजी युवक काँग्रेसचे प्रदेशाध्यक्ष असा केला. धनंजय महाडिक यांनी असेही म्हटले की, मुख्यमंत्री देवेंद्र फडणवीस यांनीच कृष्णराज यांना महाराष्ट्र प्रदेश युवक काँग्रेसची जबाबदारी दिली आहे. युवाशक्ती दहीहंडी कार्यक्रमात राज्यसभेचे खासदार धनंजय महाडिक बोलत असताना हा प्रसंग घडला.
धनंजय महाडिक यांनी कृष्णराज यांच्या २८ वर्षांच्या वयाचा उल्लेख करत, फडणवीस साहेबांनी त्यांच्यावर मोठा विश्वास ठेवून ही जबाबदारी सोपवली असल्याचे सांगितले. कृष्णराज यांच्या लोकप्रियतेची प्रशंसा करत, त्यांनी रक्षाबंधनाचा एक किस्साही सांगितला. कृष्णराज यांनी इन्स्टाग्रामवर एक व्हिडिओ टाकत राखी बांधू इच्छिणाऱ्यांना पोस्टरवर राखी पाठवण्याचे आवाहन केले होते, यातून लोकांचे त्यांच्यावर किती प्रेम आहे हे दिसून येते, असे धनंजय महाडिक म्हणाले. पुढील स्पष्टीकरणानुसार, हा उल्लेख बोलण्याच्या ओघात झालेली एक चूक होती. कृष्णराज यांचा भाजपशी संबंध असतानाही, त्यांना युवक काँग्रेसचे प्रदेशाध्यक्ष संबोधल्याने अनेकांच्या भुवया उंचावल्या होत्या.
Leave a Reply