मुंबईतील मानखुर्द परिसरात बांधकाम सुरू असलेल्या ठिकाणी क्रेन कोसळून एका पोलीस कर्मचाऱ्याचा काल रात्री दुर्दैवी मृत्यू झाला आहे. या घटनेनंतर मुंबई पुणे हायवेवर प्रचंड वाहतूक कोंडी निर्माण झाली होती. वाहनांच्या 10 किलोमीटर लांब रांगा लागल्या होत्या. काल संध्याकाळी क्रेन पडल्याची घटना घडली होती मात्र अजूनही परिसरात काही काळ तणावाचे वातावरण निर्माण झालं होतं. याबाबत सविस्तर माहिती जाणून घेऊयात.
ड्रिलिंग मशीन अंगावर पडून पोलीस हवालदाराचा मृत्यू
मानखुर्द परिसरात एमएमआरडीएच्या उड्डाणपुलाच्या बांधकाम स्थळावर ड्रिलिंग मशीन अंगावर पडून एका पोलीस हवालदाराचा मृत्यू झाला आहे. मृत हवालदाराची ओळख संतोष चव्हाण अशी असून, ते नेहरू नगर पोलीस ठाण्यात कार्यरत होते. अपघात घडला तेव्हा ते घरी जात होते. ड्रिलिंग मशीन ही असमान पद्धतीने जमिनीवर बवल्याने भूस्खलन होऊन ही ड्रिलिंग मशीन उलटली असावी, असा संशय आहे. याबाबत कंत्राटदाराला जबाबदार ठरवण्यात आलं आहे. मुंबई पोलिसांनी दिलेल्या माहितीनुसार, मानखुर्द पोलीस ठाण्यात कंत्राटदाराविरोधात गुन्हा दाखल केला जात आहे.
याआधीही अनेक घटना
काही दिवसांपुर्वी बीकेसीतील एशियन हॉर्ट रुग्णालयाजवळ, गर्डर बसवताना सुमारे 400 टन वजनाची क्रेन उलटली होती. यांत्रिक बिघाडामुळे ही दुर्घटना झाली, परंतु सुदैवाने यात कोणतीही जीवितहानी झाली नव्हती, यापुर्वी 14 फेब्रूवारीला मुलुंड एलबीएस मार्गावर मेट्रोचा स्लॅब कोसळल्याने एकाचा मृत्यू झाला तर चार जण गंभीर जखमी झाले होते. अशा घटना घडणार नाहीत असं आश्वासन देण्यात आलं मात्र वास्तव काहीतरी वेगळंच आहे.
आरोपींची सखोल चौकशी करण्याची मागणी
मानखुर्दमधील या घटनेनंतर मुंबई पोलीस आणि अग्निशमन दलाने घटनास्थळी धाव घेतली असून अपघाताचे नेमके कारण शोधण्यासाठी चौकशी सुरू करण्यात आली आहे. परिसरातील सुरक्षा नियमांचे पालन झाले होते का, याचीही तपासणी केली जात आहे. आता या घटनेतील आरोपींची सखोल चौकशी करण्याची मागणी करण्यात आली आहे. या घटनेनंतर संतोष चव्हाण चव्हाण यांच्या कुटुंबीयांनी आक्रोश केला.
Leave a Reply