अभिनेत्री प्रिती झिंटा गेल्या अनेक वर्षांपासून परदेशात पती आणि जुळ्या मुलांसोबत आनंदाने आयुष्य जगत आहे. पण आज देखील अभिनेत्री तिच्या खासगी आयुष्यामुळे असते. बॉलिवूडमध्ये एक काळ असा देखील होता, जेव्हा प्रितीचं नाव ऑस्ट्रेलियाच्या स्टार क्रिकेटपटू ब्रेट ली याच्यासोबत जोडण्यात आलं. पण तेव्हा अभिनेत्रीने रंगणाऱ्या चर्चांमध्ये काहीही तथ्य नाही असं सांगितलं होतं. पण आता ब्रेट ली याने पहिलांदाच प्रिती हिच्यासोबत असलेल्या नात्यावर मोठं वक्तव्य केलं आहे. सध्या सर्वत्र फक्त आणि फक्त ब्रेट ली याच्या वक्तव्याची चर्चा रंगली आहे.
सांगायचं झालं तर, आयपीएल दरम्यान, ब्रेट लीचं नाव अनेकदा पंजाब किंग्सची सह-मालक आणि बॉलिवूड अभिनेत्री प्रीती झिंटासोबत जोडलं गेलं होतं. अशातच आता ब्रेट लीनं यावर मौन सोडलं आहे. ब्रेट ली एका मुलाखतीत म्हणाला, ‘प्रिती माझी चांगली मैत्रीण आणि मी कधीच कोणत्या बॉलिवूड अभिनेत्रीला डेट केलं नाही. लोकांना जो विचार करायचा असेल, त्यांना करु द्या… मला त्याची काहीच पर्वा नाही आणि कधी पर्वा वाटली देखील नाही… कारण सत्य काय आहे, ते मला माहिती आहे…’ असं देखील ब्रेट ली म्हणाला.
एवढंच नाही तर, एका मुलाखतीत ब्रेट ली याने प्रीती झिंटासोबतच्या आपल्या मैत्रीचा उल्लेख केला होता. 2011 मध्ये पार पडलेल्या एका मुलाखतीत ब्रेटली म्हणालेला, ‘जेव्हा मी पंजाब किंग्सकडून खेळत होतो, तेव्हा प्रीती झिंटा माझी चांगली मैत्रीण झाली.’, सध्या सर्वत्र प्रिती आणि ब्रेट ली यांच्या नात्याची चर्चा रंगली आहे.
प्रिती झिंटा हिचं लग्न…
Leave a Reply