मराठी सिनेसृष्टीतील लोकप्रिय अभिनेत्री पूजा सावंत आपल्या अभिनयासोबतच तिच्या ग्लॅमरस आणि स्टायलिश अंदाजासाठीही ओळखली जाते. सोशल मीडियावर सक्रिय असलेली पूजा नेहमीच तिचे खास फोटो आणि व्हिडीओ चाहत्यांसोबत शेअर करत असते.
सध्या तिचे पावसाचा आनंद घेतानाचे काही फोटो सोशल मीडियावर चर्चेत आले आहेत. पूजाने नुकतेच तिच्या सोशल मीडिया अकाउंटवर काही खास पावसाळी फोटो शेअर केले आहेत. या फोटोंमध्ये ती पावसाच्या सरींमध्ये मनसोक्त भिजताना आणि निसर्गाचा आनंद घेताना दिसत आहे.
पावसाळ्यातील आल्हाददायक वातावरणाचा अनुभव घेताना तिचा बिनधास्त अंदाज चाहत्यांना विशेष भावला आहे. या फोटोशूटसाठी पूजाने काळ्या रंगाचा स्लीव्हलेस टॉप आणि प्रिंटेड बॉटम असा कूल आणि स्टायलिश लूक केला आहे.
हातात कॉफीचा मग घेऊन डोळे मिटून पावसाचा आनंद घेतानाचा तिचा फोटो विशेष लक्ष वेधून घेत आहे. तिच्या या साध्या पण आकर्षक अंदाजाची सोशल मीडियावर चांगलीच चर्चा रंगली आहे.
पूजाने या फोटोंसोबत ‘Mandatory favourite season post’ अशी मजेशीर आणि खास कॅप्शन दिले आहे. तिच्या या पावसाळी फोटोंवर चाहत्यांनी लाइक्स आणि कमेंट्सचा वर्षाव केला असून, अनेकांनी तिच्या नैसर्गिक सौंदर्याचे आणि कूल लूकचे कौतुक केले आहे.
Leave a Reply