इंडोनेशियातील बाली येथील एका भारतीय कुटुंबाचा एक व्हिडीओ सोशल मीडियावर व्हायरल होत आहे. या व्हिडीओत लाजीरवाणी घटना चित्रित झाली आहे.एका कुटुंबाने हॉटेलमधून बाहेर पडताना आपल्या बॅगेतून हॉटेलमधील साहित्य चोरल्याचे उघड झाले आहे. या व्हिडीओ पाहून लोक भारताचे नाव बदनाम केले अशी टीका करत आहेत. व्हिडीओत तुम्ही पाहू शकता की चेक आऊट करताना हॉटेल स्टाफला जेव्हा संशय आला तेव्हा त्याने त्यांचे साहित्य तपासले. त्यांच्या बॅगेतून हॉटेलमधील टॉवेल, सजावटीचे सामान, इलेक्ट्रॉनिक वस्तूच एवढंच काय तर पायपुसनी देखील सापडली आहे.
केव्हाचा आहे हा व्हिडीओ ?
बाली टाईम्सच्या बातमीनुसार ही घटना बालीच्या जियानगर जिल्ह्यातील उबुद स्थित असवारा रिसॉर्टची आहे. माहितीनुसार भारतीय पर्यटक १६ एप्रिलपासून या हॉटेलात उतरले होते. आणि त्यांना १९ एप्रिल रोजी चेक आऊट करायचे होते. घटना तेव्हा उघडकीस आली जेव्हा त्यांना चेक आऊट करायचे होते. आणि हॉटेल रुममध्ये साहित्य गायब झाल्याचे पाहून हॉटेलच्या कर्मचाऱ्यांना संशय आला. त्यामुळे त्यांच्या बॅगची झडती घेण्यात आली आणि त्यांची पोल खोल झाली.
जेव्हा भारतीय पर्यटकांच्या सामानाची झडती घेण्यात आली तेव्हा बॅगेच्या आतून एकामागोमाग एक हॉटेलचे साहित्या निघू लागले. या फॅमिलीला रंगेहात पकडण्यात आले तेव्हा या फॅमिलीने हॉटेलच्या व्यवस्थापकाची माफी मागितली. या साहित्याचे पैसे देण्याची तयारी दाखविली. मात्र, हॉटेल कर्मचाऱ्यांनी हे पैसे देऊन मिटणारे प्रकरण नाही असे सुनावले.
येथे पाहा व्हिडीओ –
INDIAN TOURISTS DO NOT LEARN
Indian tourists, who stayed at Ubud, Bali (Indonesia) were caught by hotel-staff stealing stuff from the hotel.
Why would you go to a foreign country and do such cheap act/crime??
This is embarrassing to watch as an Indian. pic.twitter.com/ETtxJArCgl
— Tarun Gautam (@TARUNspeakss) April 21, 2026
बॅगेतून काय-काय मिळाले ?
व्हिडीओत स्पष्ट दिसत आहे की हॉटेलच्या स्टाफने जेव्हा बॅगेची तपासणी केली तेव्हा त्यात हॉटेलचे टॉवेल, साबणाचे डिस्पेंसर, सजावटीचे शोपीस, हेअर ड्रायर तसेच अगदी डोअरमॅट,चमचे देखील सापडले.
पुढे काय झाले मग ?
जियानार पोलिसांच्या प्रवक्ते इप्तू आय गुस्ती नगुराह यांच्या मते या प्रकरणाला रिसॉर्टच्या मॅनेजमेंटपर्यंत पोहचवले होते. त्यांनी माहिती मिळताच पर्यटकांच्या चेक आऊटला काही वेळासाठी थांबवले. या टुरिस्ट विरोधात कोणतीही पोलीस तक्रार दाखल करण्यात आलेली नाही. हॉटेल, स्टाफ आणि फॅमिलीत आपसात सहमतीने हे प्रकरण मिटवण्यात आले आहे. फॅमिलीने सर्व साहित्य परत केले आहे. त्यामुळे कोणतेही कायदेशीर कारवाई करण्यात आलेली नाही.
Leave a Reply