OTT प्लॅटफॉर्मवर दर आठवड्याला नवनवीन चित्रपट आणि वेब सिरीज प्रदर्शित होत असतात. मात्र, यावेळी जिओहॉटस्टारवरील ट्रेंडिंग यादीत एक वेगळेच चित्र पाहायला मिळत आहे. मोठ्या बजेटच्या चित्रपटांनाही मागे टाकत एका कॉमेडी शोने प्रेक्षकांच्या मनावर अधिराज्य गाजवले आहे. हा शो म्हणजे ‘लाफ्टर शेफ 3’. या कार्यक्रमाने भारतातील जिओहॉटस्टारच्या ट्रेंडिंग टॉप-7 यादीत अव्वल स्थान पटकावले आहे.
‘लाफ्टर शेफ 3’ हा मनोरंजन, विनोद आणि कुकिंगचा अनोखा संगम असलेला शो आहे. या कार्यक्रमाचे सूत्रसंचालन लोकप्रिय विनोदी कलाकार भारती सिंह आणि शेफ हरपाल सिंह सोखी करत आहेत. स्पर्धकांच्या धमाल मस्ती, विनोदी संवाद आणि भन्नाट कुकिंग चॅलेंजमुळे हा शो सर्व वयोगटातील प्रेक्षकांना आकर्षित करत आहे. त्यामुळेच या आठवड्यात तो जिओहॉटस्टारवरील सर्वाधिक पाहिला जाणारा शो ठरला आहे.
दुसऱ्या क्रमांकावर ‘ठुकरा के मेरा प्यार 2’
ट्रेंडिंग यादीत दुसऱ्या स्थानावर ‘ठुकरा के मेरा प्यार’ या रोमँटिक ड्रामा वेब सिरीजचा दुसरा सीझन आहे. या मालिकेचे दोन्ही सीझन प्रेक्षकांच्या पसंतीस उतरले असून, विशेषतः दुसऱ्या सीझनला चांगला प्रतिसाद मिळत आहे.
दिग्दर्शक आदित्य धर यांच्या दिग्दर्शनाखाली तयार झालेला ‘धुरंधर 2’ हा चित्रपट थिएटरनंतर आता ओटीटीवरही लोकप्रिय ठरत आहे. दमदार कथा आणि अॅक्शनमुळे या चित्रपटाने ट्रेंडिंग यादीत तिसरे स्थान मिळवले आहे.
‘अवतार’नेही मिळवले स्थान
हॉलिवूडमधील लोकप्रिय चित्रपट ‘अवतार’ नुकताच जिओहॉटस्टारवर प्रदर्शित झाला आहे. हिंदीसह विविध भाषांमध्ये उपलब्ध असलेल्या या चित्रपटाने प्रदर्शित होताच प्रेक्षकांचे लक्ष वेधून घेतले असून, ट्रेंडिंग यादीत चौथे स्थान पटकावले आहे.
‘रिसॉर्ट’ पाचव्या क्रमांकावर
दक्षिण भारतीय वेब सिरीज ‘रिसॉर्ट’ पाचव्या स्थानावर आहे. आपल्या स्वप्नांच्या पूर्ततेसाठी संघर्ष करणाऱ्या एका तरुणाची प्रेरणादायी कथा या मालिकेत दाखवण्यात आली आहे. कथानक आणि सादरीकरणामुळे या मालिकेलाही चांगला प्रतिसाद मिळत आहे.
तर ‘धुरंधर’ सातव्या क्रमांकावर
रणवीर सिंह अभिनित ‘धुरंधर’ हा चित्रपट ट्रेंडिंग यादीत सातव्या स्थानावर आहे. गेल्या वर्षी थिएटरमध्ये प्रदर्शित झालेल्या या चित्रपटाने बॉक्स ऑफिसवर चांगली कमाई केली होती. ओटीटीवर उपलब्ध झाल्यानंतरही प्रेक्षक त्याला तितक्याच उत्साहाने पाहत आहेत.
Leave a Reply