नाशिकचे पालकमंत्री म्हणून गिरीश महाजन यांची घोषणा होताच, त्यांच्या पहिल्याच दिवशी नाशिकमध्ये शिवसेनेच्या (ठाकरे गट) वतीने जोरदार आंदोलन करण्यात आले. नाशिकमधील रस्त्यांवरील वाढलेल्या खड्ड्यांमुळे होणारे अपघात आणि त्यामुळे निर्माण झालेल्या समस्येविरोधात हे आंदोलन पुकारण्यात आले होते. शिवसेनेचे (ठाकरे गट) खासदार संजय राऊत यांच्या नेतृत्वाखाली नाशिक महापालिकेवर जनआक्रोश मोर्चा काढण्यात आला.
या मोर्च्यात यमराजाच्या वेशात एक नाशिककर नागरिक आणि एक रेडा सहभागी झाला होता, ज्याने सर्वांचे लक्ष वेधले. संजय राऊत यांनी यावेळी नवनियुक्त पालकमंत्री गिरीश महाजन यांच्यावर जोरदार हल्लाबोल केला. त्यांनी महाजनांवर भ्रष्टाचाराचे गंभीर आरोप केले. जामनेर पॅटर्न आणि ३५ हजार कोटींच्या कुंभमेळा निधीत झालेल्या गैरव्यवहाराचे आरोप राऊत यांनी केले. तसेच, दुसऱ्या कंपन्यांच्या नावाने जावयांना मोठे कंत्राट मिळाल्याचा दावाही राऊत यांनी केला. या आरोपांवर गिरीश महाजन यांच्या समर्थकांनी संजय राऊत यांच्या बोलण्याकडे दुर्लक्ष करत, “त्यांच्या जिभेला हाड नाही, आम्ही आमची कामे करत राहू,” अशी प्रतिक्रिया दिली.
Leave a Reply