मराठी मनोरंजनसृष्टीतील लोकप्रिय अभिनेत्री शर्वरी कुलकर्णी-बोरकर तिच्या अभिनयासोबतच हटके फॅशन स्टाइलसाठीही कायम चर्चेत असते.
सोशल मीडियावर ती वेगवेगळ्या लूकमधील फोटो चाहत्यांसोबत शेअर करत असते. आता तिचा साडीतील सुंदर आणि पारंपरिक अंदाज सोशल मीडियावर चर्चेचा विषय ठरला आहे.
शर्वरीने नुकतेच तिच्या सोशल मीडिया अकाउंटवर काही खास फोटो शेअर केले आहेत. या फोटोंमध्ये ती नारंगी रंगाच्या सुंदर कॉटन चंदेरी साडीमध्ये दिसत आहे. या साडीला तिने निळ्या रंगाचा स्लीव्हलेस कॉन्ट्रास्ट ब्लाऊज परिधान केला असून पारंपरिक लूकला तिने मॉडर्न टच दिला आहे.
या लूकसोबत शर्वरीने गळ्यात पारंपरिक चोकर हार आणि मंगळसूत्र घातलं आहे. नाकातील नाजूक नथ तिच्या सौंदर्यात आणखी भर घालताना दिसते. हातात बांगड्या, घड्याळ आणि बोटांमध्ये अंगठ्या घालून तिने आपला संपूर्ण लूक अगदी आकर्षक पद्धतीने कॅरी केला आहे.
विशेष म्हणजे शर्वरीने या लूकसाठी अतिशय नैसर्गिक मेकअप केला आहे. तिच्या चेहऱ्यावरील प्रसन्न हास्य आणि साधेपणामुळे तिचा हा पारंपरिक अंदाज चाहत्यांना विशेष पसंत पडत आहे.
Leave a Reply