जळगावच्या जामनेर तालुक्यातील वाडी किल्ला गावाजवळ कार आणि क्रुझरचा भीषण अपघात झाला आहे. हा अपघात एवढा भीषण होता की यात दोन महिलांचा जागीच मृत्यू झाला आहे. या अपघातात तब्बल 14 भाविक महिला जखमी झाल्या आहेत.
या भीषण अपघातात कारमधील दोन्ही महिलांचा मृत्यू झाला असून कारचालक गंभीर जखमी असल्याची प्राथमिक माहिती मिळाली आहे. दुसरीकडे क्रुझरमधील 13 महिला भाविक जखमी झाल्या आहेत. क्रुझरमधील महिला जामनेर तालुक्यातीलच मालदाभाडी गावातील रहिवासी असल्याचे समोर आले आहे.
कारमधील प्रवासी हे नाशिक येथील रहिवासी असल्याची माहिती समोर आली आहे.
जखमींना जामनेर येथील तसेच परिसरातील रुग्णालयांमध्ये उपचारासाठी दाखल करण्यात आले आहे. देवदर्शनाहून परतत असताना हा अपघात झाल्याने हळहळ व्यक्तकेली जात आहे. सध्या सर्व जखमींवर उपचार सुरू असून लवकर त्यांच्या प्रकृतीत सुधारणा व्हावी, अशी प्रार्थना केली जात आहे.
दरम्यान, या अपघातानंतर पोलिसांनी घटनास्थळाची पाहणी केली आहे. अपघातानंतर आजबूजाच्या लोकांनी तत्काळ पोलीस तसेच रुग्णवाहिकांना बोलावले. त्यानंतर जखमींना रुग्णालयात पाठवण्याचे काम युद्धपातळीवर करण्यात आले.
Leave a Reply