दरवेळी कोणी साडीत इतकं सुंदर कसं दिसू शकतं.. असा प्रश्न अभिनेत्री गिरीजा ओकचे फोटो पाहिल्यानंतर प्रत्येकाला पडतो. निळ्या साडीतील लूक व्हायरल झाल्यानंतर गिरीजा 'नॅशनल क्रश' म्हणून लोकप्रिय झाली. आता तिच्या प्रत्येक साडीतील लूक पाहण्यासाठी नेटकरी आवर्जून तिला सोशल मीडियावर फॉलो करू लागले आहेत.
गिरीजाचे इन्स्टाग्रामवर सध्या 1 मिलियन म्हणजेच दहा लाख फॉलोअर्स झाले आहेत. विशेष म्हणजे तिच्या अकाऊंटवर तिचे साडीतील असंख्य लूक्स पहायला मिळतात आणि प्रत्येक लूक तितकाच आकर्षक, सुंदर, मनमोहक आणि प्रेमात पाडणार आहे. नुकतेच तिने पिवळ्या रंगाच्या साडीतील काही फोटो पोस्ट केले आहेत.
ऑरा बनारस या ब्रँडची ही हँडक्राफ्टेड कोरा सिल्क बनारसी साडी गिरीजाने नेसली आहे. पानाफुलांची डिझाइन असलेली ही साडी अत्यंत साधी आहे, पण त्यातही गिरीजाचं सौंदर्य खुललं आहे. या साडीवर गिरीजाने लाँग स्लिव्ह ब्लाऊज आणि मॅचिंग कानातले घातले आहेत. केस मोकळे सोडून त्यावर तिने मिनिमल मेकअप केला आहे.
तिच्या या फोटोंवर चाहत्यांनी लाइक्स आणि कमेंट्सचा वर्षाव केला आहे. इन्स्टाग्रामवर या फोटोंवर 41 हजारांहून अधिक लाइक्स मिळाले आहेत. एकीकडे फेसबुक आणि इन्स्टाग्रामवर अनेक अभिनेत्री, इन्फ्लुएन्सर्स अंगप्रदर्शन करणारे फोटो पोस्ट करत असताना गिरीजा ओकचे साडीतील फोटो मात्र प्रचंड लोकप्रिय होत आहेत.
एका मुलाखतीतील निळ्या साडीचा लूक सोशल मीडियावर व्हायरल झाल्यानंतर गिरीजा ओकविषयी अनेकांच्या मनात प्रचंड कुतूहल निर्माण झालं. मराठी इंडस्ट्रीत ती आधीपासूनच लोकप्रिय कलाकार होती, मात्र या निमित्ताने आता देशभरात आणि जगभरात तिची ओळख 'नॅशनल क्रश' म्हणून झाली आहे.
Leave a Reply