Musician Ravi dey passes away : झगमगत्या विश्वातून एक धक्कादायक माहिती समोर येत आहे. प्रसिद्ध आणि लोकप्रिय दिग्दर्शक रवी डे यांचं अत्यंत दु्र्दैवी निधन झालं आहे. वयाच्या 75 व्या वर्षी रवी डे यांनी अखेरचा श्वास घेतला आहे. मिळालेल्या माहितीनुसार, रवी डे यांचा मृतदेह जवळपास 5 दिवस घरात कुजलेल्या अवस्थेत पडलेला होता. पण याबद्दल कोणाला काही कळलं देखील नाही. आश्चर्याची गोष्ट म्हणजे, संगीतकार राहत असलेल्या घरापासून काही अंतरावर त्यांची मुलं देखील राहतात. पण वडिलांची विचारपूस करण्यासाठी देखील सवड नव्हती… घडलेल्या घटनेमुळे सर्वत्र खळबळ उडाली आहे.
दुर्गंधी समोर येताच उघड झालं रहस्य
मिळालेल्या माहितीनुसार, रवी डे राजधानी दिल्लीत गोविंदपुरी एक्सटेंशन येथे भाड्याच्या घरात एकटेच राहत होते. 14 ऑगस्ट रोजी जेव्हा त्यांच्या घरातून दुर्गंधी येऊ लागली तेव्हा, शेजारच्यांना मोठा धक्का बसला… त्यांनी तात्काळ पोलिसांना कळवलं… त्यानंतर पोलीस देखील तात्काळ घटनास्थळी पोहोचले. पोलिसांनी जेव्हा घराचा दरवाजा तोडला आणि घरात प्रवेश केला तेव्हा समोर दिसलेलं दृश्य अत्यंत भयानक होतं.
घराच्या मेन गेटवर संगीतकार रवी डे यांचा मृतदेह सडलेल्या अवस्थेत पोलिसांना दिसला. पोलिसांनी तात्काळ मृतदेह रुग्णालयात पोस्टमार्टमसाठी पाठवला. जेथे 15 ऑगस्ट रोजी सर्व प्रक्रिया पूर्ण करण्यात आली. त्यानंतर त्यांच्या मुलांना देखील कळवण्यात आलं. पण मुलांनी रात्री येण्यास स्पष्ट नकार दिला. पण दुसऱ्या दुवशी देखील मुलं वडिलांसाठी आले नाहीत.
मुलांनीच फिरवली पाठ
या घटनेने गंभीर वळण तेव्हा घेतलं जेव्हा, पोलिसांनी मृत संगीतकाराच्या मुलांशी संपर्क साधला. सुत्रांनी दिलेल्या माहितीनुसार, सुरुवातीला मुलांनी स्पष्ट केलं की, त्यांचं वडिलांसोबत कोणतेच संबंध नाही आणि ते वडिलांचा मृतदेह घेण्यासाठी देखील पोहोचलं नाही. पोलिसांनी मुलांना समजवण्याचा प्रयत्न केला. तेव्हा कुटुंबिय पुढे आहे. त्यानंतर पोस्टमॉर्टमनंतर मृतदेह पोलिसांना सोपावण्यात आला.
Leave a Reply