Ramsh Mhatre : डोंबिवलीमधील महापालिकेच्या शास्त्रीनगर रुग्णालयात अजब प्रकार घडला. उपमुख्यमंत्री एकनाथ शिंदे यांच्या पक्षाचे नगरसेवक रमेश म्हात्रे यांनी नगरसेवकाने डॉक्टर, नर्स तसेच रुग्णालयातील कर्मचाऱ्यांना मारहाण केली. या घटनेचा सीसीटीव्ही नंतर समोर आल्याने एकच खळबळ उडाली. रमेश म्हात्रे यांच्यावर कठोर कारवाई, अशी मागणी केली जात होती. वाढता दबाव लक्षात घेता रमेश म्हात्रे यांच्याविरोधात गुन्हा दाखल करण्यात आला होता. त्यानंतर म्हात्रे यांना अटक करण्यात आली होती. दरम्यान, आता याच म्हात्रे यांना जामीन मंजूर झाला आहे. कल्याणच्या सत्र न्यायालयाने याबाबत निर्णय घेतला आहे.
न्यायालयाने कोणत्या आधारावर जामीन दिला?
मिळालेल्या माहितीनुसार कल्याणमधील नगरसेवक रमेश म्हात्रे यांना जामीन मंजूर झाला आहे. न्यायालयाने त्यांना 50 हजार रुपयांच्या जातमुचलक्यावर जामीन मंजूर केला आहे. शास्नीनगर डाँक्टर आणि नर्स मारहाण प्रकरणात हा जामीन देण्यात आला आहे. रमेश म्हात्रे यांची वैद्यकीय स्थिती आणि इतर बाबींचा विचार करून न्यायालयाने हा आदेश दिला आहे. म्हात्रे यांना जामीन देऊ नये अशी भूमिका सरकारी पक्षातर्फे घेण्यात आली होती. म्हात्रे यांना जामीन मिळाल्यास ते साक्षीदारांवर दबाव टाकण्याची शक्यता असल्याचा युक्तिवाद करण्यात आला होता.
तर दुसरीकडे बचाव पक्षाचा युक्तिवाद ऐकल्यानंतर न्यायालयाने म्हात्रे यांचा जामीन अर्ज मंजूर केला. या मारहाण प्रकरणातील इतर तीन आरोपींचे जामीन अर्ज उद्या दाखल होणार आहेत. या आरोपींचाही जामीन अर्ज मान्य होणार का? याकडे सर्वांचे लक्ष लागले आहे.
महिला डॉक्टरच्या हातातील फोन….
समोर आलेल्या व्हिडीओत रमेश म्हात्रे हे आपल्या साथीदारांच्या मदतीने रुग्णालयात मारहाण करत असल्याचे तसेच वाद घालत असल्याचे दिसत आहे. याच वादादरम्यान, महिला डॉक्टरच्या हातातील फोनही हाताने खाली पाडल्याचे दिसत आहे. हे प्रकरण तापल्यानंतर मात्र रमेश म्हात्रे यांनी आम्ही कोणालाही मारहाण केली नाही. आमचा तसा उद्देश नव्हता. आमचे मत ऐकून घ्या, ही माझी मागणी होती, असे रमेश म्हात्रे म्हणाले होते. दरम्यान, आता या प्रकरणात पुढे काय होणार हे पाहणे महत्त्वाचे ठऱणार आहे.
Leave a Reply