साखरेच्या दरात झालेल्या वाढीचा फटका आता सर्वसामान्य ग्राहकांना बसताना दिसत आहे. महाराष्ट्रातील विविध भागांमध्ये साखरेचे किरकोळ दर वाढले असून, सध्या बाजारात साखर साधारण 60 ते 80 रुपये प्रति किलो दराने विकली जात आहे.
त्यामुळे आगामी काळात दर आणखी वाढण्याची शक्यता लक्षात घेऊन काही ग्राहकांकडून साखरेची खरेदी वाढल्याचे चित्र आहे. मुंबई आणि परिसरात सध्या किरकोळ बाजारात साखरेचा दर साधारण 60 ते 70 रुपये प्रति किलो आहे.
दरवाढीमुळे घरगुती बजेटवर अतिरिक्त भार पडत असल्याने ग्राहकांकडून स्वस्त पर्यायांचा शोध घेतला जात आहे. दरम्यान, डी-मार्टमध्ये साखरेची किंमत प्रति किलो 75 रुपये असल्याचे सांगितले जात आहे.
मात्र, डी-मार्टच्या ऑनलाइन अॅपवर 14 टक्के सवलत मिळत असल्याने ग्राहकांना हीच साखर सुमारे 61 रुपये प्रति किलो दराने उपलब्ध होत आहे. त्यामुळे सवलतीच्या दरात साखर मिळत असल्याने ग्राहक डी-मार्टकडे मोठ्या प्रमाणात वळताना दिसत आहेत.
साखरेच्या वाढत्या दरामुळे ग्राहकांमध्ये सध्या खरेदीची लगबग सुरू झाली असून, बाजारातील दरवाढीचा परिणाम आगामी काळात त्यांच्या दैनंदिन खर्चावर किती होतो, याकडे सर्वांचे लक्ष लागले आहे.
Leave a Reply