छत्रपती संभाजीनगरमधून धक्कादायक घटना समोर आली आहे. एकाच कुटुंबातील तिघांचा डोंगरावरून पडून मृत्यू झाला आहे. मृतांमध्ये आई-वडील आणि मुलाचा समावेश आहे. या घटनेमुळे जिल्ह्यातून हळहळ व्यक्त होत आहे. जिल्ह्यातील वाळूज परिसरात असलेल्या खवड्या डोंगरावर ही दुर्दैवी घटना घडली आहे. समोर आलेल्या माहितीनुसार मुलगा आत्महत्या करण्यासाठी डोंगरावर गेला होता, त्याला वाचवण्यासाठी वडील देखील डोंगरावर गेले, वडिलांना मुलाचा धक्का लागल्याने ते दोघेही डोंगरावरून खाली पडले, दरम्यान मुलगा आणि वडिलांच्या पाठोपाठ या डोंगरावर त्याची आई देखील गेली होती. मुलगा आणि वडील डोंगरावरून खाली पडल्याचं दिसताच आईने देखील डोंगरावरून उडी घेतली. या घटनेत तिघांचाही मृत्यू झाला आहे.
घटनेबाबत अधिक माहिती अशी की, डोंगरावरून पडल्यामुळे एक अख्ख कुटुंब संपलं आहे, एकाच कुटुंबातील आई-वडील आणि मुलाचा मृत्यू झाला आहे. मुलगा आत्महत्या करण्यासाठी डोंगरावर चढला होता, त्याला वाचवण्यासाठी त्याच्या मागेच त्याचे वडील सुद्धा या डोंगरावर पोहोचले, त्यांना धक्का लागल्यामुळे मुलगा आणि वडील दोघेही या डोंगरावरून खाली कोसळले. दरम्यान दोघेही डोंगरावरून खाली कोसळल्याचा धक्का आईला सहन झाला नाही, आणि याच धक्क्यामधून आईने देखील डोंगरावरून उडी घेतली. या घटनेत मुलगा आई-वडील असा तिघांचाही मृत्यू झाला आहे.
पोलीस घटनास्थळी दाखल
दरम्यान मुलगा आत्महत्या करणार असल्याची माहिती आधीच पोलिसांना मिळाली होती, त्यामुळे पोलीस आणि नागरिक आधीच घटनास्थळी दाखल झाले होते. संबंधित मुलगा हा डोंगराच्या कड्यावर उभा होता, वडिलांनी त्याला वाचवण्यासाठी धाव घेतली, परंतु दुर्दैवाने या घटनेत दोघांचाही मृत्यू झाला, त्यानंतर पोटचा मुलगा आणि पती डोंगरावरून खाली कोसळल्याचं दु:ख सहन न झाल्याने शेवटी या महिलेने देखील डोंगरावरून खाली उडी घेतली. या दुर्घटनेत तिघांचाही मृत्यू झाला आहे. या घटनेमुळे एक हासतं खेळत कुटुंब संपलं आहे. या घटनेमुळे जिल्ह्यात हळहळ व्यक्त होत आहे. पुढील तपास सुरू असल्याची माहिती पोलिसांनी दिली.
Leave a Reply