प्रेम कितीही जुनं असलं तरी त्यात एकदा संशयाचा किडा घुसला की, एखाद्या चांगल्या नात्याची वाट लागायला वेळ लागत नाही. छत्तीसगडमधील रायपूरचं हे प्रकरण आहे. दोघांच्या नात्याला 3-4 वर्ष झाली होती. दोघांची कुटुंब लग्नासाठी देखील तयार होती. पण एक दिवस एक भेट, संशय आणि एकावादाने सगळं काही बदलून टाकलं. रायपूरमध्ये एक युवक आपल्या गर्लफ्रेंडला रोखण्यासाठी कारच्या बोनेटवर चढला. कार निघाल्यानंतर जवळपास 200 मीटर अंतरापर्यंत तो युवक कारच्या बोनेटवरच उभा होता. पण अचानक तो बोनेटवरुन खाली रस्त्यावर पडला. कार त्याच्या अंगावरुन गेली. यात युवकाचा मृत्यू झाला. आरोपी फरार आहे. रायपूरची ही घटना आहे. परमप्रीत सिंह अशी मृताची ओळख आहे. टाटीबंधच्या उदया सोसायटीमध्ये तो राहत होता. व्यावसायिक होता. परमप्रीतने गर्लफ्रेंडला तिच्या मित्रासोबत बघितलं. यावरुन दोघांमध्ये जोरदार वादविवाद झाला.
परमप्रीत त्या युवतीला 3-4 वर्षांपासून ओळखत होता. कुटुंबात लग्नाची बोलणी सुरु होती. अशावेळी गर्लफ्रेंडचं दुसऱ्या युवकासोबत कारमधून जाणं परमप्रीतला नाही पटलं. दोघांमध्ये बरीच शाब्दीक बाचबाची झाली. आधी परमप्रीतच्या गाडीत दोघांमध्ये वादविवाद झाला. युवती परमप्रीतच्या गाडीतून उतरली, भरतच्या गाडीत जाऊन बसली. परमप्रीतने तिला थांबवण्याचा प्रयत्न केला. विषय इतका वाढला की, परमप्रीतने भरतच्या कारला धडक दिली.
त्यानंतर जे घडलं त्यामुळे संशय
त्यानंतर भरत कार स्टार्ट करुन पुढे घेऊन जात होता. परमप्रीतने मागे हटायला नकार देत कारच्या बोनेटवर चढला. त्याला वाटलं की, कार थांबवतील. पण कार थांबली नाही. परमप्रीत बोनेटवर उभा असताना कार 200 मीटर अंतरापर्यंत पळाली. अचानक तोल सावरता न आल्याने तो खाली पडली. पण त्यानंतर जे घडलं त्यामुळे अपघाताव्यतिरिक्त संशय मनात निर्माण होतो.
सीसीटीव्ही फुटेज तपासलं
परमप्रीत खाली कोसळल्यानंतर कार त्याच्या अंगावरुन नेली असं पोलिसांचं म्हणणं आहे. परमप्रीतच्या डोक्यात गंभीर मार लागल्याने त्याचा मृत्यू झाला. या घटनेनंतर रस्त्यावरुन जाणाऱ्या लोकांना पोलिसांना या घटनेची माहिती दिली. आमानाका पोलीस घटनास्थळी पोहोचले. त्यांनी मृतदेह ताब्यात घेतला. पोलिसांनी आसपासच्या भागातील सीसीटीव्ही फुटेज तपासलं. CCTV फुटेज आणि प्राथमिक चौकशीतून जे दिसतय त्यावरुन प्रथमदर्शनी ही हत्या वाटत आहे. याच आधारावर गुन्हा नोंदवून तपास सुरु केला आहे.
Leave a Reply