बॉलिवूड आणि रोमँटिक गाणी हे जणू एकमेकांशिवाय अपूर्णच आहेत. प्रेम, भावना आणि नात्यांची सुंदर अभिव्यक्ती करणारी हिंदी चित्रपटसृष्टीतील गाणी आजही लोकांच्या मनावर राज्य करत आहेत. खास करून प्रेम व्यक्त करायचे असेल किंवा आपल्या क्रशला इम्प्रेस करायचे असेल तर रोमँटिक गाण्यांची मदत अनेकजण घेतात.
अशा वेळी प्रसिद्ध गायक अरजित सिंहची गाणी सर्वांत आधी आठवतात. त्याच्या आवाजातील भावूकता आणि गाण्यांमधील सुंदर शब्द प्रेमाची भावना अधिक खास बनवतात. आजही अरिजीत सिंहच्या अनेक रोमँटिक गाण्यांची जादू चाहत्यांच्या मनात कायम आहेत. त्यातील काही गाणी विशेष लोकप्रिय ठरली आहेत.
2013 मध्ये प्रदर्शित झालेल्या Aashiqui 2 चित्रपटातील Tum Hi Ho हे गाणे अरिजीत सिंहच्या कारकिर्दीतील महत्त्वाचा टर्निंग पॉइंट मानले जाते. हे गाणे प्रदर्शित होताच प्रचंड लोकप्रिय झाले आणि अरिजीत सिंह रातोरात सुपरस्टार बनला. आजही लाखो चाहत्यांचे हे आवडते रोमँटिक गाणे आहे.
2022 मध्ये आलेल्या Bhediya चित्रपटातील Apna Bana Le हे गाणेही मोठ्या प्रमाणात लोकप्रिय झाले. 'तू मेरा कोई ना होके भी कुछ लागे…' या ओळींनी अनेकांच्या मनाला स्पर्श केला. अरिजीतच्या मधुर आवाजामुळे या गाण्याला अधिक भावनिक स्पर्श मिळाला. आजही हे गाणे सोशल मीडियावरील रील्स आणि प्लेलिस्टमध्ये मोठ्या प्रमाणावर ऐकायला मिळते.
2016 मध्ये प्रदर्शित झालेल्या 'ऐ दिल है मुश्किल' चित्रपटातील 'चन्ना मेरेया' हे गाणे प्रेम आणि विरह यांचा सुंदर संगम मानले जाते. अरिजीत सिंहच्या भावपूर्ण आवाजामुळे हे गाणे चाहत्यांच्या मनात विशेष स्थान मिळवून गेले. अनेक जण आजही हे गाणे गुणगुणताना दिसतात. प्रेमभंग आणि भावनिक प्रसंगांमध्ये हे गाणे मोठ्या प्रमाणावर वापरले जाते.
Leave a Reply