बॉलिवूडमधील अनेक गाणी अशी आहेत, ज्यांच्या निर्मितीमागील कथा तितकीच रंजक आणि अनपेक्षित आहेत. काही गाणी तर अगदी साध्या, दैनंदिन प्रसंगातून तयार झाली आणि ती पुढे जाऊन सुपरहिट ठरली. अशाच एका गाण्याची गोष्ट 1973 सालच्या Bobby या चित्रपटाशी संबंधित आहे.
राज कपूर दिग्दर्शित या चित्रपटात ऋषी कपूर आणि डिंपल कपाडिया यांनी प्रमुख भूमिका साकारल्या होत्या. दोघेही त्या वेळी नवीन कलाकार होते, पण या चित्रपटाने त्यांना अक्षरशः एका रात्रीत स्टार बनवले. चित्रपटाच्या कथेसोबतच त्यातील गाण्यांनीही प्रचंड लोकप्रिय झाली.
या चित्रपटातील 'हम तुम एक कमरे में बंद हों…' या गाण्याची निर्मिती कथा विशेष लक्षवेधी ठरली. ही कल्पना एका अनोख्या प्रसंगातून सुचली होती. मुंबईतील जुहू भागात लक्ष्मीकांत यांचे घर त्या काळात बांधकामाधीन होते. ते नेहमीप्रमाणे बांधकामाची पाहणी करण्यासाठी तिथे गेले होते.
त्याच वेळी त्यांनी आनंद बक्षी यांनाही तिथे बोलावले होते. दोघेही त्या अर्धवट बांधलेल्या इमारतीत फिरत होते आणि अचानक ते एकमेकांपासून दूर गेले. इमारतीतून बाहेर पडण्याचा मार्ग शोधताना दोघांनाही एकमेकांचा पत्ता लागत नव्हता. शेवटी त्यांनी फोनवर संपर्क साधला.
त्या वेळी लक्ष्मीकांत यांनी मजेत म्हटले की, 'तू काय बनवत आहेस? ही तर एखादी भूलभुलैय्यासारखी इमारत आहे. जर कोणी एका खोलीत अडकला तर त्याला शोधणं कठीण जाईल. याच साध्या पण वेगळ्या प्रसंगातून गाण्याची कल्पना जन्माला आली.
कोणी एका खोलीत बंद होतं आणि चावी हरवते… या कल्पनेवर आधारित गाणं तयार करण्याचा विचार करण्यात आला. त्यानंतर आधी धून तयार झाली आणि मग आनंद बक्षी यांनी त्यावर शब्द लिहिले 'हम तुम एक कमरे में बंद हों और चाबी खो जाए…', हे गाणं पुढे प्रचंड गाजलं.
Leave a Reply