इराण आणि अमेरिका युद्धाला सुरूवात झाल्यापासूनच होर्मुज खाडीत तणाव बघायला मिळाला. इराणकडून होर्मुज खाडी बंद करण्यात आली. होर्मुज खाडी बंद असल्याने जगात कच्च्या तेलाचे मोठे संकट निर्माण झाले. जागतिक बाजारात तेलाच्या किमती वाढताना दिसल्या. तेलाच्या किमती स्थिर ठेवण्याकरिता अमेरिकेने रशिया आणि इराण यांच्या तेलावरील निर्बंध हटवले. मात्र, होर्मुज खाडी बंद असल्याने स्थिती बिकड झाली. अनेक प्रयत्न करूनही होर्मुज खाडी खुली करण्यात अमेरिकेला यश आले नाही. त्यांनी होर्मुजकरिता अनेक देशांची मदतही मागितली. अमेरिकेने मोठी नाकेबंदी केली. अमेरिकेने केलेल्या नाकेबंदीमुळे एकही जहाज इराणी बंदरातून बाहेर पडू शकत नाही. इराणकडून मोठी घोषणा करत होर्मुज खाडी खुली करत असल्याचे जाहीर करण्यात आले. मात्र, त्यानंतरही भारतीय जहाजावर गोळीबार करण्यात आला.
अमेरिकेचे राष्ट्राध्यक्ष डोनाल्ड ट्रम्प यांनी होर्मुज खाडीत पुन्हा वाढलेल्या तणावात मोठे विधान केले. डोनाल्ड ट्रम्प यांनी म्हटले की, इराण होर्मुज खाडीच्या माध्यमातून जगाला ब्लॅकमेल करू शकत नाही. डोनाल्ड ट्रम्प यांनी म्हटले की, कित्येक वर्षांपासून इराण जगात अस्थिरता पसरवत आहे. आता स्थिती बदलत आहे. जोपर्यंत स्थिती बदलत नाही, तोपर्यंत करार होणार नाही. हेच नाही तर डोनाल्ड ट्रम्प यांनी ठणकावून सांगितले की, अमेरिकेची नाकेबंदी सुरूच राहणार आहे.
होर्मुज खाडी खुली केल्यानंतर अमेरिकेने नाकेबंदी काढावी, अशी मागणी इराणकडून करण्यात आली होती. मात्र, अमेरिकेने त्याला नकार दिला. इराण आता पुन्हा एकदा आक्रमक भूमिकेत बघायला मिळत आहे. होर्मुज खाडी इराणकडून खुली करण्यात आली पण तणाव आहे. त्यामध्येच भारतीय जहाजावर गोळीबार करण्यात आला.
इराण आणि अमेरिका यांच्यात युद्धविराम करार बैठक इस्लामाबादमध्ये होत आहे. या आज रात्री दोन्ही देशातील नेते पाकिस्तानमध्ये पोहोचण्याची शक्यता आहे. सोमवारी बैठक होईल, या बैठकीकडे जगाच्या नजरा लागल्या आहेत. इराण आणि अमेरिका युद्धात जग होरपळले जात असल्याचे बघायला मिळत आहे. कोणत्याही परिस्थितीमधून युद्धातून मार्ग काढण्याची मागणी केली जात आहे.
Leave a Reply