बॉलिवूड अभिनेता इमरान हाशमीच्या चित्रपटांइतकीच त्याच्या गाण्यांचीही जबरदस्त लोकप्रियता आहे. त्याच्या प्रत्येक चित्रपटातील गाणी रिलीज होताच प्रेक्षकांच्या मनात घर करतात आणि सोशल मीडियावर प्रचंड व्हायरल होतात.
आजही त्याच्या रोमँटिक आणि भावनिक गाण्यांचा चाहतावर्ग तितकाच मोठा आहे. सर्वात आधी नाव घ्यावं लागेल Hamari Adhuri Kahani या गाण्याचं. 2015 मध्ये रिलीज झालेलं हे गाणं प्रचंड गाजलं. या गाण्याच्या प्रत्येक ओळीने प्रेक्षकांच्या भावना स्पर्श केल्या. इमरानच्या सर्वाधिक लोकप्रिय गाण्यांमध्ये याचा पहिला क्रमांक लागतो.
यानंतर Zara Sa या गाण्याचा उल्लेख करावा लागेल. 2008 मध्ये आलेल्या ‘जन्नत’ चित्रपटातील हे गाणं आजही रोमँटिक प्लेलिस्टमध्ये हमखास ऐकायला मिळतं. या गाण्याला स्पॉटिफायवरही कोट्यवधी वेळा ऐकण्यात आलं आहे.
तिसरं गाणं म्हणजे Beete Lamhe. 2007 मध्ये आलेल्या ‘द ट्रेन’ चित्रपटातील हे सॅड गाणं आजही अनेकांच्या मनात घर करून आहे. दिवंगत गायक KK यांच्या आवाजातील हे गाणं जुन्या आठवणींना उजाळा देतं.
यानंतर Phir Mohabbat हे गाणंही प्रचंड लोकप्रिय ठरलं. 2011 मध्ये आलेल्या ‘मर्डर 2’ चित्रपटातील या रोमँटिक गाण्याने प्रेक्षकांची मनं जिंकली. आजही हे गाणं चाहते तितक्याच आवडीने ऐकतात.
शेवटी Hale Dil या गाण्याचा उल्लेख करायलाच हवा. या गाण्याचं वेगळं आकर्षण आजही कायम आहे. स्पॉटिफायवरही या गाण्याला प्रचंड प्रतिसाद मिळाला आहे. इमरान हाशमीच्या अभिनयामुळे या गाण्याला अधिकच भावनिक रंग मिळाला.
Leave a Reply