आजघडीला आधार कार्ड हे एक महत्त्वाचे कागदपत्र आहे. तुमच्याकडे आधार कार्ड नसेल तर तुम्ही जवळजवळ कोणतेही शासकीय काम करू शकता नाही. सरकार दरबारी प्रत्येक योजनेचा लाभ घेण्यासाठी आधार कार्ड महत्त्वाचे आहे.
परंतु आता आधार कार्ड तयार करणाऱ्या UIDAI या शासकीय संस्थेने एक महत्त्वाची माहिती दिली आहे. आता तुम्हाला तुमच्या आधार कार्डवरील नाव, पत्ता, जन्मतारीख बदलायची असेल तर त्यासाठी पैसे द्यावे लागतील.UIDAI च्या माहितीनुसार आधार कार्डवरील काही माहिती अपडेट करण्यासाठी कोणतीही फी द्यावी लागणार नाही.
परंतु काही विशेष दुरुस्त्या करण्यासाठी तुम्हाला मात्र पैसे खर्च करावे लागणार आहेत. सविस्तर सांगायचे झाल्यास आता तुम्हाला तुमच्या आधार कार्डवरील नाव, पत्ता, मोबाईल नंबर, ईमेल, जन्मतारीख यात बदल करायचा असेल तर त्यासाठी 75 रुपये फी च्या रुपात मोजावे लागणार आहेत.
तुम्हाला तुमच्या आधार कार्डवरील फिंगरप्रिंट, आयरीस फोटो अपडेट करायचे असेल तर त्यासाठी 125 रुपये फी द्यावी लागेल. वयाची पाच ते 17 वर्षांपर्यंत Mandatory Biometric Update करण्यासाठी फी द्यावी लागत नाही. परंतु त्यानंतर तुम्हाला ठरवून दिलेल्या नियमानुसार फी द्यावी लागते.
आधारशी संबंधित डॉक्यूमेंट तुम्हाला ऑनलाईन पद्धतीने अपडेट करायचे असेल तर आणि myAadhaar पोर्टलच्या मदतीने तुम्ही हे करत असाल तर तुम्हाला 30 सप्टेंबर 2026 पर्यंत फी द्यावी लागणार नाही. आधार कार्डवरील तुम्हाला तुमचे डॉक्यूमेंट अपडेट करायचे असतेल तर त्यासाठी myAadhaar या पोर्टलचा वापर करू शकता. तुमच्या आधार कार्डमध्ये बदल करण्यासाठी UIDAI चे अधिकृत संकेतस्थळ, अॅप याचाच वापर करायला हवा.
Leave a Reply