इंडियन प्रीमिअर लीग अर्थात आयपीएलची सुरूवात करणारे ललित मोदी कायदेशीर गोष्टींमध्ये अडकले. आयपीएलला त्यानीच सुरूवात केली, ती त्यांची कल्पना होती. कायदेशीर गोष्टींमध्ये अडकल्यानंतर त्यांनी भारत सोडला. नुकताच ललित मोदीने एक मुलाखत दिली. या मुलाखतीमध्ये काही मोठे खुलासे केले. स्वत:निर्दाेष असल्याचे म्हटले. हेच नाही तर त्यांच्या लाईफस्टाईलबद्दल बोलताना म्हटले की, मी दर आठवड्याला 10 ते 12 कोटी पैसे खर्च करतो. हेच नाही तर इतका पैसा कसा येतो हे देखील त्यांनी सांगितले. आठवड्याला 10 ते 12 कोटी खर्च करत असल्याच्या ललित मोदीच्या विधानाने एकच खळबळ उडाली. एएनआयला दिलेल्या मुलाखतीमध्ये बोलताना ललित मोदीने म्हटले की, मी काहीच चुकीचे केले नाही. मी तुम्हाला सांगू इच्छितो की, मी हिऱ्याचा चमचा तोंडात घेऊन जन्माला आलो.
तुम्ही माझ्यावर काही कोटी घेतल्याचा आरोप करतात तर मी तुम्हाला सांगू इच्छितो की, त्यापेक्षा मी एका दिवसात कितीतरी जास्त पट पैसा कमावतो. जगभरात माझी कंपनी असून ती खूप जास्त मोठी आहे. तिचा मार्केट भाव अडीच लाख कोटी आहे. मी माझ्या फॅमिली बिझनेसमधून पैसा कमावतो. मी त्या कंपनीचा मालक आहे. मी आता त्याचा कारभार माझ्या मुलांकडे दिला आहे. आता ते सर्वकाही सांभाळतात.
माझे मुले माझा खर्च उचलतात. मी एका खूप चांगल्या घरात राहतो. मी खूप जास्त चांगले जीवन जगतो. मी प्रत्येक ठिकाणी जातो. मी 10 ते 12 कोटी घेतो. जे मला फक्त 1 आठवडा पुरतात. हे असेच आहे आणि मी यासोबतच जन्मलो आहे. मी माझे आयुष्य आणि माझी जगण्याची पद्धत कोणासाठी का बदलावी? मी माझे आयुष्य इतर कोणासाठी का जगावे? माझ्या आजोबांनीही असे केले नाही. माझे वडीलही कोणा इतरांकरिता जगले नाहीत. यादरम्यान त्यांना विजय माल्या यांच्याबद्दल प्रश्न विचारण्यात आला.
त्यावेळी ललित मोदीने उत्तर देत म्हटले की, तो माझा मित्र आहे. ठीक आहे.. मला कळत नाही की, कोणाला काय समस्या असावी यात? हा पण त्याचे प्रकरण बॅंकांसोबत जोडले गेले आहे. हा पण आम्ही कधीच कोणाकडून काही उधार घेतले नाही. मी कोणाकडूनही पैस घेतले नाहीत. मी फक्त दुसऱ्यांना पैसे दिली आहेत. माझ्या कोणत्याही बिझनेसने बॅेकेकडून कर्ज घेतले नाही. आम्ही मार्लबोरो तयार करतो आणि तो जगातील नंबर 1 चा ब्रंड आहे. मी कधीही कोणतेही सरकारी काम घेतले नाही.
Leave a Reply