मध्य पूर्वेत मोठा तणाव पहायला मिळत आहे. इराणकडून स्ट्रेट ऑफ होर्मूज ओपन करण्याची घोषणा करण्यात आली होती. मात्र त्यानंतर अमेरिकेनं आपण नाकेबंदी काय ठेवणार असल्याची भूमिका घेतली. अमेरिकेच्या या भूमिकेमुळे दुसऱ्याच दिवशी इराणने पुन्हा एकदा स्ट्रेट ऑफ होर्मूज व्यापारी जाहजांसाठी बंद केला आहे. याचदरम्यान भारताच्या दोन जहाजांवर फायरिंगची देखील घटना घडली होती. दरम्यान त्यानंतर अमेरिकेनं इराणचं एक व्यापारी जहाज आपल्या ताब्यात घेतलं आहे. त्यामुळे आता वातावरण आणखी तापलं आहे. इराणकडून देखील अमेरिकेला धमकी देण्यात आली आहे, आम्ही देखील उत्तर देऊ असं इराणने म्हटलं आहे.
दरम्यान अमेरिका आणि इराणमध्ये दोन आठवड्यांचा युद्धविराम झाला होता. आता युद्धविराम संपण्यासाठी अवघे काही तास शिल्लक आहेत. पाकिस्तानच्या मध्यस्थीनंतर अमेरिका आणि इराणने युद्धविरामाची घोषणा केली होती. युद्धविरामाच्या वाटाघाटीची पहिली फेरी देखील पाकिस्तानमध्येच पार पडली होती, मात्र त्यामध्ये यावर कोणताही तोडगा निघू शकला नव्हता. दरम्यान युद्धविराम संपण्यासाठी आता अवघे काही तास शिल्लक राहिले असतानाच आता डोनाल्ड ट्रम्प पुन्हा एकदा अॅक्शन मोडमध्ये आल्याचं पहायला मिळत आहे.
डोनाल्ड ट्रम्प यांनी पाकिस्तानचे लष्कर प्रमुख असीम मुनीर यांच्याशी फोनवर संवाद साधला. मात्र यावेळी असीम मुनीर यांनी डोनाल्ड ट्रम्प यांना स्पष्ट शब्दा सुनावलं आहे. पाकिस्तानकडून अमेरिकेनं स्ट्रेट ऑफ होर्मूजवर लावलेल्या नाकेबंदीवर चिंता व्यक्त करण्यात आली आहे. जोपर्यंत अमेरिकेची स्ट्रेट ऑफ होर्मूजवर नाकेबंदी कायम आहे, तोपर्यंत ही चर्चा पुढे जाऊच शकत नाही, असं असीम मुनीर यांनी ट्रम्प यांना सांगितलं आहे, दरम्यान यावर विचार केला जाईल, असं डोनाल्ड ट्रम्प यांनी असीम मुनीर यांना सांगितलं आहे. त्यामुळे आता अमेरिका स्ट्रेट ऑफ होर्मूजवरची आपली नाकेबंदी हटवणार का? हे पहाणं महत्त्वाचं ठरणार आहे. पुन्हा एकदा हा मार्ग बंद झाल्यामुळे अमेरिकेवरील दबाव वाढला आहे. सर्वांचं लक्ष डोनाल्ड ट्रम्प यांच्या भूमिकेकडे लागलं आहे.
Leave a Reply