गणेशोत्सवाच्या पार्श्वभूमीवर कोकणात जाणाऱ्या चाकरमान्यांसाठी मत्स्यव्यवसाय व बंदरे मंत्री नितेश राणे यांच्या पुढाकाराने मोदी एक्सप्रेस ही विशेष रेल्वे दरवर्षीप्रमाणे यंदाही मुंबईहून कोकणाकडे रवाना झाली. दादर स्टेशनवरून सकाळी १०.३० वाजता ही ट्रेन सिंधुदुर्ग, मालवण आणि कणकवलीसारख्या मतदारसंघातील प्रवाशांना घेऊन निघाली.
या विशेष रेल्वेमुळे कोकणातील प्रवाशांना मोठा दिलासा मिळाला आहे, कारण ऐन गणेशोत्सवात नियमित गाड्यांमध्ये जागा मिळणे कठीण असते. प्रवाशांनी नितेश राणे आणि त्यांच्या संपूर्ण परिवाराचे आभार मानले. अनेक प्रवाशांनी सांगितले की, राणे साहेबांच्या या उपक्रमामुळे त्यांना तिकिटाची चिंता न करता सहजपणे आपल्या गावी पोहोचता येत आहे. प्लॅटफॉर्मवर मोठ्या प्रमाणात गर्दी झाली होती आणि प्रवाशांमध्ये उत्साहाचे वातावरण होते. स्वतः नितेश राणे यांच्या हस्ते हिरवा कंदील दाखवून या ट्रेनला रवाना करण्यात आले. या शिस्तबद्ध आयोजनामुळे प्रवासाचा आनंद द्विगुणित झाल्याचे प्रवाशांनी नमूद केले.
Leave a Reply