मराठा आरक्षणाच्या मागणीसाठी मनोज जरांगे पाटील यांनी मुंबईकडे निघणाऱ्या महामोर्चाचा सविस्तर मार्ग आणि मुक्कामाचे नियोजन जाहीर केले आहे. प्रचंड जनसमुदाय मुंबईत दाखल होणार असल्याने, एका दिवसात पोहोचणे शक्य नाही हे लक्षात घेऊन, जरांगे पाटलांनी मराठा बांधवांच्या सोयीसाठी आणि स्थानिक प्रशासनावर ताण येऊ नये यासाठी टप्प्याटप्प्याने मोर्चा नेण्याचा निर्णय घेतला आहे.
या नियोजनानुसार, मराठा मोर्चा बीड जिल्ह्यातील पाटोदा येथून सुरू होईल, त्यानंतर अहमदनगर जिल्ह्यातील श्रीगोंदा येथे दुसरा मुक्काम पडेल. पुणे जिल्ह्यातील हडपसर तिसऱ्या मुक्कामाचे ठिकाण असून, रायगड जिल्ह्यातील खोपोली (किंवा कोपरखैरणे) येथे चौथा मुक्काम असणार आहे. एकूण चार मुक्काम करून पाचव्या दिवशी हा मोर्चा मुंबईतील आझाद मैदानावर पोहोचेल, जिथे आमरण उपोषण सुरू करण्यात येणार आहे. जरांगे पाटलांनी सांगितले की, समाजाच्या हितासाठी आणि लेकरांच्या भविष्यासाठी ही लढाई आहे. या मार्गावरील मराठा बांधवांना त्यांनी आशीर्वाद देण्यासाठी आणि वाट लावण्यासाठीकुटुंबासह येण्याचे आवाहन केले आहे.
Leave a Reply