अनेकदा आपल्यासोबत असं घडतं की, आपल्याला करायचं एक असतं, परंतु दुसरंच काहीतरी घडतं. आपल्या मनासारख्या काही गोष्टी घडत नाहीत. ऑफिसमध्ये देखील कामात मन लागत नाही. आयुष्यात सारखे चढ-उतार सुरू असतात. आपण स्थिर आयुष्याचा शोध घेतो, परंतु आयुष्यात येणाऱ्या चढ-उतारामुळे आपली चिंता वाढते. अनेकदा आपण ज्या गोष्टींसाठी पात्र असतो, त्या गोष्टी आपल्याला ऑफिसमध्ये मिळत नाही, तो मान-सन्मान मिळत नाही. प्रमोशन रखडतं. अशा स्थितीत काय करायचं? असा प्रश्न अनेकांना पडतो, त्यासाठी फेंग शुईमध्ये काही सोपे उपाय सांगण्यात आले आहेत. फेंग शुई हे एक जगप्रसिद्ध चीनी वास्तुशास्त्र आहे. फेंग शुईनुसार जर तुम्हाला तुमच्या मानासारख्या काही गोष्टी घडाव्या वाटत असतील तर तुम्ही तुमच्या ऑफिसच्या डेस्कवर कासवाची मूर्ती ठेवू शकता. कासवाला स्थिरता आणि प्रगतीचं प्रतिक मानलं जातं. चला तर मग जाणून घेऊयात ऑफिसच्या डेस्कवर कासवाची मूर्ती ठेवण्याचे काय फायदे आहेत? त्याबद्दल.
करियरमध्ये प्रगती – तुम्ही प्रचंड मेहनत करत आहात, ऑफिसमध्ये मना लावून काम करत आहात, परंतु असं असताना देखील तुम्हाला जर तुमच्या करियरमध्ये फार ग्रोथ दिसत नसेल, जर तुमचं प्रमोशन रखडलं असेल किंवा तुम्ही एखाद्या नवी चांगल्या संधीच्या शोधात असाल तर अशावेळी हा सोपा उपाय तुम्ही करू शकता, तुम्ही तुमच्या ऑफिसच्या डेस्कवर कासवाची मूर्ती ठेवा. मात्र ही मूर्ती ऑफिसच्या डेस्कवर ठेवत असताना नेहमी एका गोष्टीची काळजी घ्या, ती म्हणजे कासवाचं तोंड हे नेहमी उत्तर दिशेला हवं, यामुळे हळुहळु नकारात्मक ऊर्जा कमी होऊन सकारात्मक ऊर्जा निर्माण होते, ज्याचा परिणाम हा तुमच्या करयिरमध्ये दिसून येतो, असं फेंग शुई शास्त्रामध्ये सांगण्यात आलं आहे.
पैसा टिकत नसेल तर – अनेकांच्या बाबतीमध्ये असं घडतं, ते प्रचंड मेहनत करतात, खूप पैसा कमवतात. मात्र त्यांच्या हातात कधीही पैसा टिकत नाही. त्यासाठी देखील तुम्ही हा उपाय करू शकता, या उपायामुळे आयुष्यातील अडचणी दूर होतील असं फेंग शुईमध्ये म्हटलं आहे.
(डिस्क्लेमर : वरील माहिती उपलब्ध स्रोतावरून देण्यात आलेली आहे. याच्या तथ्यांबद्दल आम्ही कुठलाही दावा करीत नाही. तसेच अंधश्रद्धेला दुजोरा देत नाही)
Leave a Reply