क्रिकेट चाहत्यांना सोमवारी 27 एप्रिलला आयपीएल स्पर्धेच्या 19 व्या मोसमातील (IPL 2026) 39 व्या सामन्यात इतिहासातील चेंडूंबाबत दुसरा सर्वात मोठा विजय पाहायला मिळाला. गतविजेता रॉयल चॅलेंजर्स बंगळुरुने दिल्ली कॅपिट्ल्स विरुद्ध 76 धावांचं आव्हान 81 बॉलआधी पूर्ण केलं. आरसीबी यासह सर्वाधिक चेंडू राखून सामना जिंकणारी दुसरी टीम ठरली. जोश हेझलवूड आणि भुवनेश्वर कुमार या आरसीबीच्या 2 गोलंदाजांनी दिल्लीला 75 धावांवर गुंडाळण्यात प्रमुख भूमिका बजावली. जोशने 4 तर भुवीने 3 विकेट्स मिळवल्या. मात्र या दोघांव्यतिरिक्त आरसीबीच्या फिरकीपटूने कमाल केली. आरसीबीच्या 22 वर्षीय सूयश शर्मा याने इतिहास घडवला. सूयशने नक्की काय केलं हे जाणून घेऊयात.
टी 20 क्रिकेटमध्ये प्रत्येक गोलंदाजाला जास्तीत जास्त 4 ओव्हर टाकता येतात. सूयश शर्मा याने 4 ओव्हर बॉलिंग केली. कमाल म्हणजे सूयशने या 4 ओव्हरमधील 24 पैकी 20 बॉल हे डॉट टाकले. सूयशने 4 ओव्हरमध्ये फक्त 7 धावा दिल्या. सूयशने या 7 पैकी 3 धावा या एक्स्ट्रा (वाईड) दिल्या. तर सूयशने 1 विकेट मिळवली. सूयशने 1 मेडन ओव्हर टाकली. तसेच सूयशचा इकॉनमी रेट हा 1.75 असा होता. आयपीएल सारख्या स्पर्धेत इतका कमी इकॉनमी रेट क्वचितच पाहायला मिळतो. सुयश आधी फिरकीपटू युझवेंद्र चहल याने याच स्पर्धेत 1.5 च्या इकॉनमीने धावा देत 4 ओव्हर टाकल्या होत्या.
सूयशच्या नावावर सर्वात मोठा विक्रम
तसेच सूयश आयपीएल स्पर्धेत 4 ओव्हरच्या स्पेलमध्ये 20 डॉट बॉल टाकणारा पहिला फिरकीपटू ठरलाय. सूयशआधी वेगवान गोलंदाज दीपक चाहर याने अशी कामगिरी करुन दाखवली आहे. दीपकने 2019 साली चेन्नई सुपर किंग्स अर्थात सीएसकेचं प्रतिनिधित्व करताना कोलकाता नाईट रायडर्स विरुद्ध 20 डॉट बॉल टाकले होते.
सूयश शर्माचं आयपीएल पदार्पण आणि कारकीर्द
सुयश शर्मा याचं हे आयपीएल कारकीर्दीतील पाचवं पर्व आहे. सूयशने 2023 साली कोलकाता नाईट रायडर्सकडून आयपीएल पदार्पण केलं. सुयशने पदार्पणातील सामन्यात आपली छाप सोडली. सुयशने आरसीबी विरुद्ध 30 धावा देत 3 विकेट्स मिळवल्या. सुयशने 2 वर्ष केकेआरंच प्रतिनिधित्व केलं. सुयश 2025 पासून आरसीबीसाठी खेळतोय.
आयपीएलमध्ये एकूण किती विकेट?
सुयशने आयपीएल कारकीर्दीत आतापर्यंत 34 सामन्यांत 24 विकेट्स मिळवल्या आहेत. सुयशने या दरम्यान 24 विकेट्स मिळवल्या आहेत.तसेच सुयशचा या दरम्यान इकॉनमी रेट हा 8.55 असा आहे.
Leave a Reply