1998 मध्ये सुरू झालेल्या या मालिकेने तब्बल दोन दशकं प्रेक्षकांचं मनोरंजन केलं. 2018 मध्ये हा शो बंद झाला आणि त्यानंतर चाहत्यांनी सातत्याने ‘सीआयडी’ परत आणण्याची मागणी केली. अखेर 2024 मध्ये या मालिकेनं पुन्हा छोट्या पडद्यावर कमबॅक केलं. पण शो कमी कालावधीतच बंद झाला. पण शोमधील सेलिब्रिटी आजही चर्चेत असतात. पण काही सेलिब्रिटी कुठे आहेत, आणि काय करतात याबद्दल फार कोणाला माहिती नसेल… तर सीआयडी शोमधील एकाचं निधन झाले आहे, तर एक अभिनेत्री व्यावसायिक बनली आहे. तर जाणून घ्या अन्य सेलिब्रिटी काय करतात.
‘सीआयडी’ (CID) मधील एसीपी प्रद्युम्नची भूमिका साकारून शिवाजी साटम घराघरात पोहोचले. आजही लोक त्यांना एसीपी प्रद्युम्न म्हणूनच ओळखतात. हा शो संपल्यानंतरही त्यांनी सिनेमा, वेब सिरीज आणि जाहिरातींमध्ये काम करणे सुरूच ठेवलं आहे. अनेक सिनेमांमध्ये देखील दमदार भूमिका साकारत त्यांनी चाहत्यांचं मनोरंजन केलं.
‘सीआयडी’ मधील इन्स्पेक्टर दया हे दुसरे सर्वात लोकप्रिय पात्र आहे. अभिनेते दयानंद चंद्रशेखर शेट्टी यांनी या भूमिकेला जिवंत केलं आणि त्यातून प्रचंड लोकप्रियता मिळवली. ‘सीआयडी’ नंतर ते इतर अनेक शोमध्ये झळकले. त्यांनी ‘सिंघम अगेन’ या सिनेमातही महत्त्वाची भूमिका साकारली आणि ‘सिंगल पापा’ या वेब सिरीजमध्येही काम केले. प्रेक्षकांनी त्यांना डोक्यावर घेतलं.
अभिनेता आदित्य श्रीवास्तव याने ‘सीआयडी’ मध्ये इन्स्पेक्टर अभिजीतची भूमिका साकारली होती. या भूमिकेसाठी त्याचं मोठ्या प्रमाणावर कौतुक झालं होतं. आदित्यआता सिनेमांमध्ये कार्यरत असून, ‘हसीन दिलरुबा’, ‘आयसी 814: द कंधार हायजॅक’ आणि ‘सुपर 30’ यांसारख्या सिनेमांमध्ये झळकला आहे.
अभिनेते नरेंद्र गुप्ता यांनी ‘सीआयडी’मध्ये डॉ. साळुंखे यांची भूमिका साकारली आणि आपल्या विनोदी अभिनयाने आणि आपल्या कॉमिक टाइमिंने प्रेक्षकांची मने जिंकली. हा शो संपल्यानंतर त्यांनी विविध सिनेमात आणि टीव्ही मालिकांमध्ये काम केलं. आजही त्यांच्या भूमिकांचं कौतुक होतं.
CID मध्ये डॉ. तारिकाची भूमिका साकारणारी श्रद्धा मुसाळे सध्या अभिनयापासून दूर आहे. तिने अभिनय सोडून उद्योजिका बनण्याचा निर्णय घेतला असून, Future Taiyari या ed-tech स्टार्टअपची ती संस्थापक आहे. श्रद्ध सोशल मीडियावर कायम सक्रिय असते.
‘सीआयडी’मधील इन्स्पेक्टर फ्रेडरिक्स म्हणजे फ्रेडी या अविस्मरणीय भूमिकेसाठी ओळखले जाणारे अभिनेते दिनेश फडणीस यांचे निधन झालं आहे. 2023 मध्ये ‘मल्टिपल ऑर्गन फेल्युअर’मुळे त्यांचं निधन झाले.
Leave a Reply