टीव्ही इंडस्ट्रीतील लोकप्रिय अभिनेत्री श्वेता तिवारी पुन्हा एकदा सोशल मीडियावर चर्चेत आली आहे. तब्बल 25 वर्षांपूर्वी कसौटी जिंदगी के या मालिकेत ‘प्रेरणा’ची भूमिका साकारत तिने प्रेक्षकांच्या मनावर राज्य केलं होतं. आजही तिच्या सौंदर्यात आणि आकर्षणात कोणतीही कमतरता दिसत नाही.
श्वेता तिवारी सोशल मीडियावर एखादी पोस्ट शेअर करताच तिच्या चाहत्यांमध्ये मोठी चर्चा रंगते. अलीकडेच तिने तिच्या मुलासोबतच्या व्हेकेशनचे काही फोटो शेअर केले. या फोटोंमध्ये ती बोटवर बसून स्टायलिश पोज देताना दिसते. तिचा हा अंदाज पाहून चाहत्यांनी अक्षरशः कौतुकाचा वर्षाव केला आहे.
अनेकजण तिच्या फिटनेस आणि सौंदर्याचं रहस्य काय आहे, असा प्रश्न विचारताना दिसत आहेत. ती नेमकं काय खाते, ज्यामुळे तिच्या वयाचा अंदाजच येत नाही? अशा प्रतिक्रिया सोशल मीडियावर पाहायला मिळत आहेत.
या फोटोवर अनेक चाहत्यांनी मजेशीर आणि वेगवेगळ्या प्रतिक्रिया दिल्या आहेत. काहींनी तिच्या लूकचं मनापासून कौतुक केलं तर काहींनी तिच्या स्टाईल आणि फिटनेसची प्रशंसा केली.
काही कमेंट्समुळेही चर्चेला उधाण आलं आहे, ज्यात चाहत्यांनी तिच्या फॅशनबद्दल वेगवेगळ्या अपेक्षा व्यक्त केल्या. मात्र, या सगळ्या प्रतिक्रियांमध्ये एक गोष्ट स्पष्टपणे दिसून येते. श्वेता तिवारीची लोकप्रियता आजही कायम आहे.
Leave a Reply