इराण आणि अमेरिका युद्धात होर्मुज खाडी केंद्रीत आहे. युद्धाला सुरूवात झाल्यापासून इराणकडून होर्मुज खाडी बंद करण्यात आली. होर्मुज खाडी बंद असल्याने जग वैतागले. कच्च्या तेलाची मोठी समस्या आहे. होर्मुज खाडी ठप्प असल्याने जागतिक बाजारात तेलाच्या किमती अस्थिर आहेत. कच्च्या तेलाची किमत सतत वाढत आहे. जग संकटात आहे. होर्मुज खाडी बंद आहे. यासोबतच इराणची मोठे नाकेबंदी आहे. मात्र, होर्मुज खाडी एक अत्यंत धक्कादायक घटना घडली, ज्याचा विचारही जगाने केला नव्हता. होर्मुज खाडीत इतके मोठे निर्बंध असताना असे काही घडले की, जग आश्चर्य व्यक्त करत आहे. रशियाचे राष्ट्राध्यक्ष व्लादिमीर पुतिन यांच्या जवळचे मानले जाणारे अब्जाधीश अलेक्सी मोर्दाशोव्ह यांच्या मालकीची नॉर्ड नावाची एक आलिशान जहाज या प्रतिबंधित मार्गातून गेली आहे. चक्क या निर्बंधादरम्यान या जहाजाने होर्मुज खाडी पार केली.
जग संकटात आहे, एकही मालवाहू जहाज तिथून जाऊ शकत नाही. होर्मुज खाडीत जागोजागी बॉम्ब सुरूंग इराणने पेरून ठेवले आणि त्याच होर्मुज खाडीतून हे जहाज सुरक्षित निघाले. या 142 मीटर लांबीच्या सुपरयॉट जहाजची किमत 500 दशलक्ष डॉलर्स आहे. इतर जहाजांवर होर्मुज खाडीतून जात असताना गोळीबार होत आहे. पण या अलिशान जहाजावर गोळीबार झाला नाही किंवा रोखण्याचा प्रयत्नही झाला नाही.
मिळालेल्या माहितीनुसार, हे जहाज शुक्रवारी दुबईहून निघाले होते. शनिवारी जहाजाने होर्मुज खाडी ओलांडली. रविवारी सकाळी ओमानमधील मस्कत येथे पोहोचले. आता मोठा प्रश्न हाच निर्माण होत आहे की, एवढे जास्त कडक निर्बंध असताना या जहाजाने होर्मुज खाडी नक्की पार कशी केली. लेक्सी मोर्दाशोव्ह यांच्या पत्नीच्या नावे हे अलिशान जहाज आहे.
या प्रवासादरम्यान ते जहाजावर होते की, नाही याबाबत काही माहिती मिळू शकली नाही. होर्मुज खाडीत प्रचंड तणाव आहे. जहाजांवर मोठे हल्ले केले जात आहेत. होर्मुज खाडीजवळ अनेक जहाज उभी आहेत. मात्र, त्यांना ही खाडी पार करता येत नाही, अशातच या अलिशान जहाजाने होर्मुज खाडी नक्की कशी पार केली हा प्रश्न उपस्थित केला जात आहे
Leave a Reply