अतरंगी फॅशन आणि बिनधास्त व्यक्तिमत्त्वासाठी प्रसिद्ध असलेली अभिनेत्री उर्फी जावेद कायमच चर्चेत असते. तिच्या हटके फॅशनमुळे ती अनेकदा सोशल मीडियावर चर्चेचा विषय ठरते. मात्र, याच कारणामुळे तिला ट्रोलिंगचाही सामना करावा लागतो. आता एका मुलाखतीत उर्फीने ट्रोलिंग आणि तिच्याबद्दल केल्या जाणाऱ्या विविध दाव्यांवर मोकळेपणाने भाष्य केलं आहे.
‘Its The Arshi Talk Show’मध्ये बोलताना उर्फीने सांगितलं की, सोशल मीडियावर तिच्याबद्दल अनेकदा अशा गोष्टी बोलल्या जातात, ज्यांचा वास्तवाशी काहीही संबंध नसतो. काही लोकांनी तिच्या कपड्यांवर आणि बोल्डनेसवर टीका केली तर तिच्यावर धर्म परिवर्तनासंदर्भातही आरोप करण्यात आल्याचं ती म्हणाली.
‘एका मूर्खाने मला किन्नर म्हटलं’
आपल्याबद्दल केल्या जाणाऱ्या ट्रोलिंगचा अनुभव सांगताना उर्फीने एका व्यक्तीने केलेल्या दाव्याचा उल्लेख केला. तिच्या म्हणण्यानुसार, एका व्यक्तीने उर्फी ट्रान्सजेंडर असल्याचा दावा करत तिला किन्नर म्हटलं होतं.
यावर प्रतिक्रिया देताना उर्फी म्हणाली की, ‘ज्यांना मी ओळखत नाही, ज्यांना मी काही मानत नाही, त्यांचं मी का ऐकू?’ इंटरनेटवर बसून काहीही बोलणाऱ्या लोकांवर तिने नाराजी व्यक्त केली.
उर्फीने पुढे सांगितलं की, ‘एका मूर्खाने माझ्यासाठी बोललं होतं की मी किन्नर आहे. त्याने दावा केला होता की उर्फी जावेद ट्रान्सजेंडर आहे.’ अशा दाव्यांना आपण काय उत्तर द्यायचं, असा सवालही तिने उपस्थित केला.
‘हे लोक असे बोलतात जसं त्यांनीच मला जन्म दिला’
सोशल मीडियावरील ट्रोलिंगबद्दल बोलताना उर्फीने अशा लोकांना स्पष्ट शब्दांत उत्तर दिलं. तिच्या म्हणण्यानुसार, इंटरनेटवर काही लोक कोणतीही माहिती नसताना व्यक्तीच्या खासगी आयुष्याबद्दल आणि ओळखीबद्दल वक्तव्य करतात.
उर्फी म्हणाली की, ‘या गोष्टींना मी काय उत्तर देऊ? हे लोक असं बोलतात जसं त्यांनीच मला जन्म दिला आहे.’ तिच्या या वक्तव्याची सध्या चर्चा होत आहे.
उर्फी जावेद सोशल मीडियावर अनेकदा ट्रोलर्सच्या निशाण्यावर असते. मात्र, ट्रोलिंगची पर्वा न करता ती आपल्या पद्धतीने आयुष्य जगताना दिसते. तिच्या फॅशनपासून ते तिच्या स्पष्टवक्तेपणापर्यंत प्रत्येक गोष्ट चर्चेत असते. आता ट्रोलिंगवर केलेल्या या वक्तव्यामुळे उर्फी पुन्हा एकदा चर्चेत आली आहे.
Leave a Reply