Bollywood Actor : भारतीय चित्रपटसृष्टीतील चित्रपट केवळ देशातच नाही तर परदेशातही मोठ्या प्रमाणात लोकप्रिय होत आहेत. अनेक चित्रपटांनी 1000 कोटी रुपयांपेक्षा जास्त कमाई करत बॉक्स ऑफिसवर विक्रमी यश मिळवलं आहे. प्रत्येक अभिनेत्याचं स्वप्न असतं की त्याच्या चित्रपटाने या प्रतिष्ठित ‘1000 कोटी क्लब’मध्ये स्थान मिळवावं. शाहरुख खान, प्रभास, अल्लू अर्जुन, ज्युनियर एनटीआर, राम चरण, यश आणि आमिर खान यांसारख्या स्टार्सच्या चित्रपटांनीही या क्लबमध्ये दमदार एन्ट्री घेतली आहे.
मात्र, या सगळ्यांमध्ये एक अभिनेता असा आहे, ज्याच्या तब्बल चार चित्रपटांनी 1000 कोटींचा टप्पा पार केल्याचं सांगितलं जात आहे. तो अभिनेता म्हणजे संजय दत्त.
बॉलिवूड ते साऊथ सर्वत्र दमदार कमाई
संजय दत्तने हिंदीसह दक्षिण भारतीय चित्रपटांमध्येही काम केलं आहे. विशेषतः खलनायकाच्या भूमिकांमध्ये त्याने प्रेक्षकांची मनं जिंकली आहेत. त्याच्या अभिनयातील विविधता आणि दमदार स्क्रीन प्रेझेन्समुळे तो प्रत्येक भूमिकेत उठून दिसतो.
संजय दत्तचे चार चित्रपट 1000 कोटींच्या क्लबमध्ये सामील असल्याचं सांगितलं जात आहे. यात केजीएफ 2, जवान, धुरंधर आणि धुरंधर 2 या चित्रपटांचा समावेश आहे.
‘केजीएफ 2’मधील खलनायकाची छाप
केजीएफ 2 हा यश स्टारर चित्रपट 2022 मध्ये प्रदर्शित झाला होता. या चित्रपटात संजय दत्तने ‘अधीरा’ हा खलनायक साकारला होता. चित्रपटाने जागतिक स्तरावर सुमारे 1200 कोटी रुपयांची कमाई केली होती.
जवान या शाहरुख खान अभिनित चित्रपटात संजय दत्तचा कॅमिओ भूमिका केली होती. इंटेलिजन्स ऑफिसरच्या भूमिकेत तो झळकला होता. या चित्रपटानेही सुमारे 1100 कोटींचा टप्पा गाठला.
‘धुरंधर’ आणि ‘धुरंधर 2’ची कामगिरी
संजय दत्तच्या ‘धुरंधर’ आणि त्याचा सिक्वेल धुरंधर 2 यांनीही मोठी कमाई केल्याचा दावा केला जात आहे. विशेषतः ‘धुरंधर 2’ने 1750 कोटी रुपयांपेक्षा जास्त कलेक्शन केल्याचं सांगितलं जात आहे. हा चित्रपट 19 मार्च 2026 रोजी प्रदर्शित झाला असून अजूनही सिनेमागृहांमध्ये चालू आहे.
संजय दत्तचा हा विक्रम त्याला इतर अभिनेत्यांपासून वेगळं ठरवतो. बॉलिवूडसोबतच साऊथ चित्रपटांमध्येही आपली छाप सोडणाऱ्या या अभिनेत्याने 1000 कोटी क्लबमध्ये अनेक चित्रपट देत स्वतःची वेगळी ओळख निर्माण केली आहे.
Leave a Reply