चित्रपटसृष्टीतील झगमगाट आणि प्रसिद्धीच्या दुनियेत अनेक कलाकार मोठे यश मिळवूनही अंतर्मनात एकटेपणा अनुभवतात. अशाच एका वेगळ्या प्रवासाची कहाणी म्हणजे अभिनेत्री याना गुप्ता.
युरोप आणि जपानमध्ये मॉडेलिंग क्षेत्रात नाव कमावल्यानंतर तिने शांतता आणि आत्मशोधासाठी भारताचा मार्ग निवडला आणि पुढे ती बॉलिवूडमधील चर्चित ‘आयटम गर्ल’ म्हणून ओळखल्या जाऊ लागली.
याना गुप्ताचा जन्म 23 एप्रिल 1979 रोजी ब्रनो येथे झाला. तिचे मूळ नाव ‘जाना सिंकोवा’ होते. लहानपणीच तिच्या आयुष्यात अडचणी सुरू झाल्या. तिच्या पालकांचा घटस्फोट झाला आणि त्यानंतर तिच्या आईने एकट्याने याना आणि तिच्या बहिणीचा सांभाळ केला. आर्थिक अडचणींमुळे तिला लहानपणापासून संघर्ष करावा लागला.
2003 साली तिच्या आयुष्यात मोठा टर्निंग पॉइंट आला. दम या चित्रपटातील ‘बाबूजी जरा धीरे चलो’ या गाण्यामुळे ती रातोरात प्रसिद्ध झाली. या गाण्याने तिला प्रचंड लोकप्रियता मिळवून दिली आणि लोकांना चित्रपटापेक्षा याना गुप्ता अधिक लक्षात राहिल्या. त्यानंतर तिला बॉलिवूड आणि साउथ सिनेमात अनेक आयटम नंबर मिळाले.
मात्र या यशासोबत एक मर्यादाही आली. तिला प्रामुख्याने ग्लॅमरस आणि आयटम नंबरच्या भूमिका मिळू लागल्या. गंभीर आणि वेगळ्या भूमिका करण्याची तिची इच्छा असूनही तिला तशा संधी कमी मिळाल्या. तरीही तिने अनेक चित्रपट आणि टीव्ही शोमध्ये सहभाग घेतला.
Leave a Reply