रशियाचे राष्ट्रपती व्लादीमीर पुतिन हे ब्रिक्स परिषदेमध्ये सहभागी होण्यासाठी सध्या भारत दौऱ्यावर आले आहेत. यावेळी पंतप्रधान नरेंद्र मोदी आणि पुतिन यांच्यामध्ये रशियाचं युक्रेनसोबत सुरू असलेलं युद्ध थांबवण्यावर चर्चा झाली आहे. आता युक्रेनसोबत सुरू असलेलं युद्ध थांबवण्याची गरज आहे, भारत नेहमी शांततेच्या बाजूने उभा आहे, असं यावेळी पंतप्रधान नरेंद्र मोदी यांनी पुतिन यांना म्हटलं आहे. मात्र एकीकडे पंतप्रधान नरेंद्र मोदी आणि पुतिन यांची चर्चा सुरू असतानाच दुसरीकडे युरोपीयन युनियने युक्रेनला शस्त्र खरेदी करण्यासाठी तब्बल 67575 कोटी रुपये देण्याची घोषणा केली आहे. त्यामुळे आता हे युद्ध आणखी भडकण्याची शक्यता आहे.
याबाबत बोलताना युरोपीयन युनियनच्या प्रमुख उर्सुला वॉन डेर लेयेन यांनी म्हटलं की, या पैशांचा उपयोग हा युक्रेन शस्त्र खरेदी करण्यासाठी करणार आहे. गेल्या चार वर्षांपासून युक्रेन आणि रशिया यांच्यामध्ये युद्ध सुरू आहे. या युद्धात दोन्ही देशांचं आतापर्यंत प्रचंड नुकसान झालं आहे. दरम्यान युरोपीयन युनियने केलेल्या या नव्या घोषणेमुळे आता युद्ध आणखी भडकण्याची शक्यता आहे. युरोपीयन युनियनच्या वेबसाइटनुसार युरोपीयन युनियनकडून युक्रेनला त्यांच्या हवाई हल्ल्याची क्षमता सुधारण्यासाठी तब्बल 6.1 बिलियन यूरोची मदत देण्याची घोषणा करण्यात आली आहे.
दहा सप्टेंबर रोजी युरोपीयन युनीयनकडून ही घोषणा करण्यात आली आहे. युरोपीयन युनियनने युक्रेनला शस्त्र खरेदी करण्यासाठी तब्बल 67575 कोटी रुपये देण्याची घोषणा केली आहे. याबाबत बोलताना कॅनडाचे पंतप्रधान मार्क कार्नी यांनी म्हटलं की, आम्ही युक्रेनला डिफेंन्स सिस्टम मजबूत करण्यासाठी मदत करण्याचा निर्णय घेतला आहे. रशियाकडून युक्रेनवर भीषण हल्ले सुरूच आहेत. अशा स्थितीमध्ये युक्रेनची हवाई क्षमता ही अधिक मजबूत करण्याची गरज आहे, असंही यावेळी मार्क कार्नी यांनी म्हटलं आहे. दरम्यान या मदतीमुळे आता युक्रेनला अधिक बळ मिळणार आहे. त्यामुळे हे युद्ध तुर्तास तरी थांबेल अशी शक्यता फारच कमी आहे. हा रशियासाठी मोठा झटका मानला जात आहे.
Leave a Reply