आयपीएल 2026 स्पर्धेत पंजाब किंग्सची विजयी घोडदौड सुरूच आहे. पंजाब किंग्सने मागच्या पर्वाप्रमाणे यंदाही श्रेयस अय्यरच्या नेतृत्वात चांगली कामगिरी केली आहे. श्रेयस अय्यरच्या नेतृत्वात आतापर्यंत खेळलेल्या सात पैकी 6 सामन्यात विजय मिळवला आहे. तर एक सामना पावसामुळे रद्द झाल्याने 1 गुण मिळाला आहे. त्यामुळे 13 गुणांसह आरसीबी संघ पहिल्या स्थानावर आहे. पण पंजाब किंग्सची जर्सी काही वेगळी दिसत आहे. यापूर्वी पंजाब किंग्सच्या जर्सीत चंदेरी रंगाचा वापर केला जात होता. पण फ्रेंचायझीने हा रंग वापरणं बंद केलं आहे. त्यामुळे असा निर्णय घेण्याचं कारण काय? असा प्रश्न पडल्याशिवाय राहात नाही. त्यामुळे पंजाब किंग्सच्या चाहत्याने थेट हा प्रश्न प्रीति झिंटाला विचारला. त्यावर तिने असं का झालं त्याचं उत्तर दिलं.
एका चाहत्याने लिहिलं की, पंजाब किंग्सने जुना लाल आणि चंदेरी रंग जर्सीवर पुन्हा आणला पाहीजे. ती जर्सी खूपच छान होती. यावर प्रीति झिंटाने सांगितलं की, बीसीसीआयच्या सूचनेनंतर फ्रेंचायझीला जर्सीवरील चंदेरी रंग काढावा लागला. बीसीसीआय जर्सीवर पांढरा, ग्रे आणि चंदेरी रंग वापरू देत नाही. प्रीति झिंटा म्हणाली की, ‘चंदेरी रंग बीसीसीआयने बॅन केला आहे कारण दुसऱ्या संघांनी तक्रार केली की, पांढरा चेंडू दिसण्यास अडचण येते. जर्सीवर चंदेरी रंगामुळे पांढरा चेंडू नीट दिसत नाही.’
Silver got banned by the BCCI cuz teams complained they could not see the white ball against the silver ! I miss the silver too !
— Preity G Zinta (@realpreityzinta) April 27, 2026
आयपीएल 2026 स्पर्धेत पंजाब किंग्सने जर्सीचा रंग बदलला आहे. इतकंच काय तर खेळण्यातही आक्रमणा दिसत आहे. पंजाब किंग्स संघाने आणखी दोन सामन्यात विजय मिळवला तर प्लेऑफमध्ये आपली जागा पक्की करेल. एकीकडे इतर संघ विजयासाठी संघर्ष करत आहेत. दुसरीकडे, पंजाब किंग्सची विजयी घोडदौड सुरू आहे. विशेष म्हणजे दिल्ली कॅपिटल्सने विजयासाठी 265 धावांचं आव्हान दिलं होतं. हे आव्हान पंजाब किंग्सने 7 चेंडू राखून गाठलं. यावरून पंजाब किंग्स संघाचा फॉर्म काय आहे हे दिसून येतं.
Leave a Reply