ऑफिस, प्रवास तसेच घरामध्येही आपण पाणी पिण्यासाटी बॉटल वापरतो. काही लोक स्टेनलेस स्टीलची तर काही लोक प्लास्टिकची बॉटल वापरतात. परंतु बाटलीची नियमित स्वच्छता होणे खूप गरजेचे आहे. बॉटल नियमितपणे स्वच्छ न केल्यास अनेक आजार होऊ शकात.
बाटली फक्त बाहेरून पाण्याने धुवून घेणेच पुरेसे नाही. झाकण, रबर सील, स्ट्रॉ आणि बाटलीच्या आतदेकील बॅक्टेरिया जमा होऊ शकतात. घाण जमा झालेली बाटली वापरल्याने पोटाचे इन्फेक्शन, जुलाब, उलट्या आणि फूड पॉयझनिंगचा धोका वाढू शकतो.
विशेषतः कमकुवत रोगप्रतिकारक शक्ती असलेल्या व्यक्तींनी बाटली स्वच्छ ठेवणे महत्त्वाचे आहे. बाटली धुण्यासाठी दररोज कोमट पाण्याचा वापर करा. सौम्य लिक्विड सोपने बाटली स्वच्छ धुवा. बाटलीचे तोंड अरुंद असल्यास आतून साफ करण्यासाठी बाटली स्वच्छ करणारा ब्रश वापरा.
झाकण, स्ट्रॉ आणि रबर सील वेगळे काढून व्यवस्थित धुणे गरजेचे आहे. स्वच्छ केल्यानंतर बाटली पूर्णपणे कोरडी होऊ द्या, कारण ओलाव्यामुळे बॅक्टेरिया वाढू शकतात.
अनेकांना कोणती बाटली वापरावी असा प्रश्न पडतो. परंतु प्लास्टिकची बाटली वापरण्याऐवजी स्टेनलेस स्टिलची बाटली वापरणे कधीही चांगले. बाटलीमध्ये रोजच पाणी टाकून पिऊ नये. ती कधीकधी कोरडी ठेवणेही तेवढेच गरजेचे आहे.
Leave a Reply