उन्हाळ्यात लोकं कलिंगड या फळांचे भरपूर प्रमाणात सेवन करतात. कारण कलिंगडमध्ये पाण्याचे प्रमाण जास्त असते. त्यामुळे लोकं ही कलिंगड जास्त खातात. या फळांच्या सेवनाने आपले शरीर हायड्रेट राहते. मात्र आपण अनेकदा कलिंगड खाऊन त्याची सालं कचऱ्यात फेकून देतो. मात्र या सालींचा उपयोग स्किन केअर खूप फायदेशीर ठरतो. चला तर मग जच्या लेखात आपण जाणून घेऊयात की त्वचेला हायड्रेटेड ठेवण्यासाठी तुम्ही कलिंगडच्या सालीचा वापर कसा करू शकता.
पोषक तत्वांनी समृद्ध कलिंगड
कलिंगड हे फळं नैसर्गिक साखरेने समृद्ध असूनही कमी कॅलरी असलेले फळ देखील आहे. तसेच कलिंगडामध्ये हायड्रेटिंग गुणधर्म आहेत. कारण त्यात अंदाजे 95% पाणी असते. 100 ग्रॅम कलिंगडा मध्ये अंदाजे 40 ते 45 कॅलरीज असतात. एवढेच नाहीतर यामध्ये 7.55 ते 7.6 ग्रॅम कर्बोदके देखील असतात.
उन्हाळ्यात त्वचेची काळजीसाठी कलिंगडाची सालं फायदेशीर
कलिंगडाची सालीने थेट त्वचेवर हलक्या हाताने मसाज केल्याने सुद्धा त्वचेला आर्द्रता देण्यासाठी फायदेशीर ठरू शकते. स्किन केअरसाठी तुम्ही कलिंगडाच्या सालीचा वापर कसा करू शकता ते जाणून घ्या.
सालीने मसाज करा: कलिंगड खाल्ल्यानंतर त्याची साल फेकून देऊ नका. तुम्ही त्या सालीने थेट त्वचेवर हलक्या हाताने मसाज करू शकता. तसेच हे करण्याआधी चेहऱ्यावर पॅच टेस्ट करू पहा. अशा प्रकारे कलिंगडामधील पाणी तुमच्या त्वचेला आर्द्रता देते. त्याचे आर्द्रता देणारे गुणधर्म तुमच्या त्वचेला तीव्र उष्णतेपासून वाचवू शकतात.
कोरफड जेलसोबत कलिंगडाच्या सालींचा वापर- कलिंगडाची साल कोरफड जेलमध्य मिक्स करून त्वचेवर लावता येते. कलिंगडाच्या सालीमधला पांढरा भाग एका वाटीत घ्या आणि त्यात कोरफड जेल मिसळा. झोपण्यापूर्वी ही पेस्ट आपल्या हातांना आणि चेहऱ्याला लावा. यामुळे तुमची त्वचा ओलसर राहील आणि नैसर्गिक चमक येईल.
मॉइश्चरायझिंग आईस क्यूब्स – ककलिंगडाच्या सालीमधील पांढरा गर एका भांड्यात काढा. या पांढऱ्या गरामध्ये पाणी टाकून पेस्ट तयार करा. त्यानंतर, त्याचे आईस क्यूब्स तयार करा. अशा प्रकारे तुम्ही मॉइश्चरायझिंग आईस क्यूब्स बनवू शकता. दिवसातून एकदा हे आईस क्यूब्स चेहऱ्यावर चोळा.
कलिंगडाच्या सालीपासून स्क्रबिंग: तुम्ही त्वचेवर इतर स्क्रबिंग प्रोडक्ट वापरण्याऐवजी कलिंगडाच्या सालीपासून स्क्रबर तयार करू शकता. यासाठी कलिंगडामधील पांढरा गर काढून त्यामध्ये थोडी कॉफी मिक्स करा. हा स्क्रब तुमच्या चेहऱ्यावर आणि हातांना लावा आणि स्क्रब करा. हे उपाय करण्यापूर्वी तज्ञांचा सल्ला घ्या.
( डिस्क्लेमर : या आर्टिकलमध्ये देण्यात आलेली माहिती व उपाय हे सामान्य ज्ञानावर आधारित आहेत. आमचा याला दुजोरा नाही. ते अवलंबण्यापूर्वी तज्ज्ञांचा सल्ला जरूर घ्यावा.)
Leave a Reply