आयपीएल 2026 सुरू होण्यापूर्वी चेन्नई सुपरकिंग्जचा स्टार खेळाडू महेंद्रसिंह धोनीला दुखापत झाली होती. त्यामुळेच तो सुरुवातीचे काही सामने खेळू शकला नाही. आता तो पूर्णपणे फिट झाला आहे. परंतु अजूनही तो एकही सामना खेळलेला नाही.
सूत्रांच्या माहितीनुसार महेंद्रसिंह धोनी अजूनही पुढचे काही सामने खेळणार नाही. त्यामुळे आता त्याला या सामन्यांची फी परत द्यावी लागणार का? असे विचारले जात आहे. याबाबतचा नेमका नियम काय आहे, ते जाणून घेऊ या..
बीसीसीआयच्या आणि आयपीएलच्या नियमानुसार एखादा खेळाडू टीमचा अधिकृतपणे सदस्य झाल्यानंतर आणि तो संपूर्ण सिझन खेळण्यासाठी उपलब्ध असेल तर त्याची कॉन्ट्रॅक्टची रक्कम सुरक्षित राहते.
सिझन चालू असताना संबंधित खेळाडूला दुखापत झाली तरीही त्याला मिळणारे पैसे कापले जात नाहीत. म्हणजेच महेंद्रसिंह धोनीला त्याची चार कोटी रुपयांची रिटेंशन फी मिळणार आहे. आयपीएल 2026 मध्ये खेळाडूला प्रत्येक सामन्यासाठी 7.5 लाख रुपये अतिरिक्त मिळतात.
परंतु प्लेइंग इलेव्हनचा भाग असेल तेव्हाच खेळाडूला हे पैसे मिळतात. महेंद्रसिंह धोनीने एकही सामना खेळलेला नाही. त्यामुळे त्याला आता मॅच फी मिळणार नाही. त्यामुळे धोनीचे हे एका प्रकारे आर्थिक नुकसानच आहे.
Leave a Reply