WhatsApp New Feature: व्हॉट्सॲपने युझर्ससाठी अजून एक नवीन फीचर रोलआऊट केले आहे. लवकरच तुमच्या मोबाईलमध्ये सुद्धा हे फीचर येईल. त्यासाठी हे व्हॉट्सॲप तुम्हाला अपेडट करावे लागेल. या मॅसेजिंग फीचर्सनुसार, युझर्स आता विना मोबाईल शेअर करता एकमेकांशी गप्पा मारू शकतील. चॅटिंग करू शकतील आणि त्यासाठी मोबाईल नंबरची गरज राहणार नाही. मेटा कंपनीने इन्स्टाग्राम सारखेच Username फीचर आणले आहे. त्यामुळे युझर्सची खासगी सुरक्षा अबाधित राहील .
युझरनेम फीचरमुळे खासगीपण जपता येतील
या नवीन फीचरमुळे युझर्स त्यांच्या खात्यासाठी एक युनिक युझरनेम तयार करू शकतील. त्यानंतर त्यांचा मोबाईल क्रमांक शेअर करण्याऐवजी केवळ युझरनेमद्वारे चॅटिंग करू शकतील. यामुळे खासकरून त्या लोकांना फायदा होईल जे त्यांची खासगी सुरक्षा उघड करू इच्छित नाही. अनेकांना त्यांचे खासगीपण जपता येईल.
हे फीचर लवकरच सर्वांच्या मोबाईलमध्ये
एका वृत्तानुसार, WhatsApp ने हे फीचर सध्या काही युझर्सपुरतेच रोलआऊट केले आहे. तर येत्या काही आठवड्यात व्हॉट्सॲपचा वापर करणाऱ्या प्रत्येकाच्या मोबाईलमध्ये हे फीचर येणार आहे. त्यासाठी तुम्हाला प्ले स्टोअरला जाऊन तुमचे व्हॉट्सॲप अपडेट करावे लागेल. हळूहळू हे फीचर प्रत्येकाच्या व्हॉट्सॲपमध्ये दिसू लागेल. त्याआधारे तुम्हाला युझरनेम तयार करून जवळच्या व्यक्तीशी गप्पा मारता येतील. चॅटिंग करता येईल.
Username कसं तयार करणार?
जर तुमच्या व्हॉट्सॲपमध्ये हे फीचर दिसत असेल तर तुम्ही सहज तुमचे युझरनेम सेट करू शकता. त्यासाठी तुम्हाला व्हॉट्सॲप च्या प्रोफाईल सेटिंग्जमध्ये जावे लागेल. तिथे तुम्हाला युझरनेम तयार करण्याचा पर्याय दिसू लागेल. त्यानंतर स्टेप बाय स्टेप फॉलो करून युझरनेम सेट करता येईल. युझरनेम तयार करण्यासाठी कमीत कमी एका अक्षराचा वापर करणे आवश्यक आहे. केवळ छोटे अक्षर, क्रमांक, डॉट आणि रेषा याचा ही युझरनेम तयार करण्यासाठी वापरता येईल.
युझरनेम कमीत कमी 3 ते 35 कॅरेक्टर दरम्यान असायला हवा. पण युझरनेम कधीही www. या नावाने सुरू करता येऊ शकत नाही. तर डॉट com वा डॉट net हे नावाच्या मागे पुढे वापरता येणार नाही. या नवीन फीचरची माहिती ही बीटा ट्रॅकर wabetainfo ने दिली आहे.
Leave a Reply